.
၂၀၂၆ ခုနှစ်၊ နိုဝင်ဘာလ ၁၁ ရက်
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့တွင်
နိုဝင်ဘာလ ၉ ရက်မှ စတင်၍ မိုးအဆက်မပြတ် ရွာသွန်းမှုကြောင့် ယနေ့ နိုဝင်ဘာ ၁၁ ရက်၊ နံနက်ပိုင်း၌
မြို့ပေါ်ရှိ လူနေရပ်ကွက်များ၊ ဌာနဆိုင်ရာရုံးများ၌ ရေဝင်ရောက်လျက်ရှိကြောင်း သိရသည်။
.
မိုးအဆက်မပြတ်ရွာသွန်းမှုကြောင့် ရွှေညောင်ကုန်းလှိုင်ကန်နှင့်
ကျီးဖြူကန်တို့တွင် ယမန်နေ့ နိုဝင်ဘာ ၁၀ ရက်မှ စတင်၍ ကန်ရေလျှံတက်ပြီး ရွှေညောင်မြို့အတွင်းသို့
ဝင်ရောက်ခဲ့ခြင်းဖြစ်ကြောင်း သိရသည်။
.
“အခု ကုန်းလှိုင်ကျောင်းမှာ ထပ်ခေါ်ပြီး စာရင်းကောက်နေတုန်းပါ။
မနေ့ညကတော့ ၁၃၀ လောက်ရှိတယ်။ အခုတော့ ၂၀၀ လောက် ရောက်ပြီ။ ရေတော့ ကျသွားပြီ။ စိုးရိမ်စရာမရှိပါဘူး။
ကျီးဖြူကန်လည်း ရေကျပါပြီ” ဟု ရွှေညောင်မြို့ အုပ်ချုပ်ရေးမှူးရုံးမှ တာဝန်ရှိသူက ပြောသည်။
.
လက်ရှိတွင် ရွှေညောင်မြို့၊ ကုန်းလှိုင်ဘုန်းတော်ကြီးကျောင်း၌
ရေဘေးသင့်အိမ်ထောင်စုများအား ယာယီရေဘေး ကယ်ဆယ်ရေးစခန်း ဖွင့်လှစ်ပြီး စောင့်ရှောက်ပေးလျက်ရှိကြောင်း
သိရသည်။
.
.jpg)
No comments:
Post a Comment