ကမ္ဘောဇသာမဏေကျော် စာမေးပွဲတွင် သာမဏေ ၅၇၃ ပါး ဖြေဆိုအောင်မြင်

.

၂၀၂၆ ခုနှစ်၊ နိုဝင်ဘာလ ၈ ရက်

.

၂၅ ကြိမ်မြောက် ငွေရတုအထိမ်းအမှတ် ကမ္ဘောဇသာမဏေကျော် စာမေးပွဲတွင် တိုင်းဒေသကြီးနှင့်ပြည်နယ် အသီးသီးမှ သာမဏေ အပါး ၁၃၀၀ ကျော် ဝင်ရောက်ဖြေဆိုခဲပြီး ၅၇၃ ပါး ဖြေဆိုအောင်မြင်ခဲ့ကြောင်း သိရသည်။

.

.

ငွေရတုအထိမ်းအမှတ် သာမဏေကျော်စာမေးပွဲ၏ ရေးဖြေ စာမေးပွဲကို ၁၃၈၈ ခုနှစ်၊ သီတင်းကျွတ် လပြည့်ကျော် ၈ ရက်၊ နိုဝင်ဘာလ ၃ ရက်မှ သီတင်းကျွတ်လပြည့်ကျော် ၁၀ ရက်၊ နိုဝင်ဘာလ ၅ ရက်အထိ တောင်ကြီးမြို့၊ အတုလမာရဇိန် မြို့လယ်ဓမ္မာရုံ၌ ပြုလုပ်ခဲ့ခြင်းဖြစ်ကြောင်း သိရသည်။

.

စာမေးပွဲတွင် ဖြေဆိုအောင်မြင်သည့် သံဃာတော်များအတွက် ဘွဲ့တံဆိပ်၊ စာအောင်ဆက်ကပ်ခြင်းနှင့် ဒုတိယအဆင့်၊ ပထမအဆင့် အောင် ရှင်သာမဏေများကို အောင်လက်မှတ် ဆက်ကပ်ခြင်း၊ စာအောင်ဆု ဆက်ကပ်လှူဒါန်းခြင်း အခမ်းအနားကို ယနေ့ ဒီဇင်ဘာ ၈ ရက်၊ နေ့လယ် နေ့လယ်ပိုင်းက ပြုလုပ်ခဲ့ကြောင်း သိရသည်။

.

ဆုနှင်းသဘင် ကျင်းပပြီးနောက် စာအောင် သာမဏေများအား မြို့လယ်ဓမ္မာရုံမှ ဗိုလ်ချုပ်အောင်ဆန်းလမ်းမကြီး တစ်လျှောက် မြို့မဈေးတစ်ပတ် လှည့်လည်အပူဇော်ခံကြွချီရာ တောင်ကြီးမြို့နေ ဒေသခံများက ဆွမ်းဆန်စိမ်း လောင်းလှူခဲ့ကြကြောင်း သိရသည်။

.

၂၅ နှစ်မြောက် ငွေရတုအထိမ်းအမှတ် ကမ္ဘောဇသာမဏေကျော် စာမေးပွဲ ပထမအဆင့်တွင် ဖြေဆိုသူ ၉၀၁ ပါးရှိသည့်အနက် ၄၄၂ ပါး အောင်မြင်ခဲ့ပြီး ဒုတိယအဆင့်တွင် ဖြေဆိုသူ ၃၂၈ ပါးအနက် ၉၆ ပါး အောင်မြင်ခဲ့ကြောင်း သိရသည်။

.

တတိယအဆင့်တွင် ဖြေဆိုသူ ၁၀ ၆ ပါး အနက် ၃၅ ပါး အောင်မြင်ခဲ့ပြီး စုစုပေါင်း အဆင့် ၃ ဆင့်တွင် ဖြေဆိုသံဃာ ၁၃၃၀ ပါးအနက် ၅၇၃ ပါး ဖြေဆိုအောင်မြင်ခဲ့ခြင်းဖြစ်ကြောင်း သိရသည်။

.

ကမ္ဘောဇသာမဏေကျော် စာမေးပွဲကို ၁၉၉၉ ခုနှစ်တွင် ပထမအကြိမ်အဖြစ် စတင်ကျင်းပခဲ့ခြင်းဖြစ်ပြီး COVID-19 ကပ်ရောဂါကာလ အပါအဝင် ၃ နှစ်ခန့် ရပ်နားထားခဲ့ရသည့်အတွက် ယခု ၂၀၂၆ ခုနှစ်တွင် ၂၅ နှစ်မြောက် ငွေရတု အထိမ်းအမှတ်အဖြစ် ကျင်းပပြုလုပ်ခြင်းဖြစ်ကြောင်း သိရသည်။

.