.
၂၀၂၆ ခုနှစ်၊ နိုဝင်ဘာလ ၁၂ ရက်
.
ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့
နိုဝင်ဘာလ ၁၁ ရက်၊ နေ့လယ်ပိုင်းက စိတ်ကြွရူးသွပ်ဆေးပြား ၂၉၀၀၀၀ ကျော်ကို ယာဉ်မောင်းနှင့်အတူ
ဖမ်းဆီးရမိခဲ့ပြီး တစ်ဦး ထွက်ပြေးတိမ်းရှောင်နေကြောင်း သိရသည်။
.
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ
တပ်ဖွဲ့ဝင်များပါဝင်သော ပူးပေါင်းအဖွဲ့သည် မူးယစ်ဆေးဝါး သတင်းအရ ယမန်နေ့ နိုဝင်ဘာလ
၁၁ ရက်၊ နေ့လယ် ၁၁ နာရီခန့်က လားရှိုးမြို့၊ ရပ်ကွက် (၈)၊ အင်ကြင်းလမ်းတွင်
ကျော်လင်း (ခ) ကဒီမွတ်လာ မောင်းနှင်ပြီး စောလင်းထက် (ခ) ကိုထက် လိုက်ပါလာသည့် TOYOTA
ALPHARD အမျိုးအစား မော်တော်ယာဉ်အား တားဆီးစစ်ဆေးခဲ့ကြောင်း သိရသည်။
.
ထိုသို့ တားဆီးစစ်ဆေးရန် ရပ်တန့်ခိုင်းစဉ် စောလင်းထက်
(ခ) ကိုထက်မှာ ထွက်ပြေးသွားပြီး ယာဉ်မောင်း ကျော်လင်း (ခ) ကဒီမွတ်လာ နှင့်အတူ
မော်တော်ယာဉ်အား စစ်ဆေးရှာဖွေရာ ယာဉ်ပေါ်မှ စိတ်ကြွဆေးပြား ၂၉၄,၀၀၀ ပြား၊ ဒေသကာလတန်ဖိုးငွေကျပ်သိန်း ၁,၄၇၀ အား ဖမ်းဆီးရမိခဲ့ကြောင်း
သိရသည်။
.
“တစ်ယောက်က ထွက်ပြေးသွားတာ မမိသေးပါဘူး။ ဖမ်းဆီးရမိရေး
ဆောင်ရွက်နေပါတယ်” ဟု လားရှိုးမြို့မရဲစခန်း မှ တာဝန်ရှိသူတစ်ဦးက ပြောသည်။
.
အဆိုပါ စိတ်ကြွရူးသွပ်ဆေးပြားများနှင့်အတူ ဖမ်းဆီးရမိသူ
ကျော်လင်း (ခ) ကဒီမွတ်လာနှင့် စောလင်းထက် (ခ) ကိုထက် တို့အား လားရှိုးမြို့မရဲစခန်းတွင်
မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေဖြင့် အမှုဖွင့်အရေးယူပြီး
ထွက်ပြေးတိမ်းရှောင်နေသူ စောလင်းထက် (ခ) ကိုထက် အား ဖမ်းဆီးရမိရေးအတွက် ဆောင်ရွက်လျက်ရှိကြောင်း
သိရသည်။
.
No comments:
Post a Comment