တရုတ်က မြေရှားသတ္တု ထိန်းချုပ်မှုအသစ်တွေကို ဇန်နဝါရီအထိ ဆက်လက်ဆိုင်းငံ့

.

၂၀၂၆ ခုနှစ်၊ နိုဝင်ဘာလ ၁၀ ရက်

.

တရုတ်နိုင်ငံက ဒီလမှာ သက်တမ်းကုန်မယ့် မြေရှားသတ္တုနဲ့ ဆက်စပ်တဲ့ တင်ပို့ထိန်းချုပ်မှု ကင်းလွတ်ခွင့်တွေကို နိုဝင်ဘာ ၉ ရက်မှာ နောက်ထပ် ၂ လ တိုးပြီး ဇန်နဝါရီ ၁၀ ရက်အထိ ဆိုင်းငံ့ထားမယ်လို့ ကြေညာပါတယ်။

.

.

ဒါဟာ တရုတ်သမ္မတ ရှီကျင့်ဖျင်နဲ့ အမေရိကန်သမ္မတ ဒေါ်နယ်ထရမ့်တို့ ထိပ်သီးတွေ့ဆုံပြီးနောက် ရရှိထားတဲ့ ကျယ်ပြန့်တဲ့ သဘောတူညီချက်ထဲက အစိတ်အပိုင်းတချို့ကို ဆက်လက်ထားရှိတာ ဖြစ်ပါတယ်။

.

တရုတ်က ရှားပါးသတ္တုတချို့ကို တင်ပို့ထိန်းချုပ်မှုတွေကို ၂၀၂၅ ခုနှစ် ဧပြီလမှာ စတင်ခဲ့ပြီး အဲဒီနှစ် အောက်တိုဘာလ ထိ ထပ်မံတိုးချဲ့ခဲ့ပါတယ်။ အဲဒီနောက် မြေရှားသတ္တုတွေအပြင် စက်မှုလုပ်ငန်းသုံး စိန်တချို့နဲ့ လီသီယမ်ဘက်ထရီ နည်းပညာတွေကိုပါ ထိန်းချုပ်မှုထဲ ထည့်သွင်းခဲ့ပါတယ်။

.

ပြီးခဲ့တဲ့နှစ် နိုဝင်ဘာလမှာ တောင်ကိုရီးယားနိုင်ငံမှာ တရုတ်သမ္မတ ရှီကျင့်ဖျင်နဲ့ အမေရိကန်သမ္မတ ဒေါ်နယ်ထရမ့်တို့ တွေ့ဆုံပြီးနောက် အဲဒီထိန်းချုပ်မှုတွေကို တစ်နှစ်ကြာ ဆိုင်းငံ့ထားခဲ့တာ ဖြစ်ပါတယ်။

.

တရုတ်ကုန်သွယ်ရေးဝန်ကြီးဌာနက ဒီဆိုင်းငံ့မှုကို ဇန်နဝါရီ ၁၀ ရက်အထိ ၂ လ ထပ်တိုးမယ်လို့ တနင်္လာနေ့မှာ ထုတ်ပြန်ခဲ့ပေမဲ့ အသေးစိတ်တော့ မပြောခဲ့ပါဘူး။

.

ဒီဆုံးဖြတ်ချက်ဟာ တရုတ်နဲ့ အမေရိကန်ကြား ရေရှည်ကုန်သွယ်ရေးသဘောတူညီချက် ရရှိဖို့ ဆွေးနွေးနေချိန်မှာ တရုတ်ဘက်က ကုန်သွယ်ရေးတုံ့ပြန်မှုတွေနဲ့ အခွန်အကောက်တချို့ကို ဆိုင်းငံ့ထားမယ်လို့ ကြေညာတဲ့ အစီအစဉ် ထဲက တစ်စိတ်တစ်ပိုင်း ဖြစ်ပါတယ်။

.

ထရမ့်ဟာ ဒီလနှောင်းပိုင်းမှာ တရုတ်နိုင်ငံ ရှန်ကျန်းမြို့ကို သွားပြီး APEC ခေါင်းဆောင်များအစည်းအဝေး တက်ရောက်ဖို့ရှိသလို ရှီကျင့်ဖျင်နဲ့လည်း တွေ့ဆုံဖို့ မျှော်လင့်ထားပါတယ်။

.

Ref – CNA

.