ငလျင်ဘေးတွင် ကူညီဆောင်ရွက်ခဲ့သော လူပုဂ္ဂိုလ်နှင့် အသင်းအဖွဲ့များအား ဂုဏ်ပြုမှတ်တမ်းလွှာများ ပေးအပ်

.

၂၀၂၆ ခုနှစ်၊ မတ်လ ၂၈ ရက်

.

ငလျင်ဘေးတွင် ကူညီဆောင်ရွက်ပေးခဲ့သည့် ဌာနဆိုင်ရာများ၊ လူပုဂ္ဂိုလ်နှင့် အသင်းအဖွဲ့များကို ယနေ့ မတ်လ ၂၈ ရက်တွင် ဂုဏ်ပြုမှတ်တမ်းလွှာများ ပေးအပ်ခဲ့သည်ဟု သိရသည်။

.

.

ပြင်းအား ၇ ဒသမ ၇ အဆင့်ရှိ ငလျင်ကြီး လှုပ်ခတ်မှု တစ်နှစ်ပြည့် အခမ်းအနားကို ယနေ့ မတ်လ ၂၈ ရက်၊ မွန်းလွဲပိုင်းက တောင်ကြီးမြို့၊ သစ်တောရပ်ကွက်ရှိ မြို့တော်ခန်းမတွင် ကျင်းပရာ အခမ်းအနားတွင် အသင်းအဖွဲ့နှင့် လူပုဂ္ဂိုလ် ၂၈ ခုတို့အား ဂုဏ်ပြု မှတ်တမ်းလွှာများကို ပေးအပ်ခဲ့ခြင်းဖြစ်ကြောင်း သိရသည်။

.

အခမ်းအနားတွင် တက်ရောက်လာသူများက ငလျင်ကြီး လှုပ်ခတ်မှု (၁)နှစ်ပြည့် ဝမ်းနည်းခြင်း အထိမ်းအမှတ် ၁ မိနစ် ငြိမ်သက်ခဲ့ပြီး တာဝန်ရှိသူများက အမှာစကားများ ပြောကြားခဲ့သည်။

.

ထို့နောက် ငလျင်ဘေးတုံ့ပြန်ဆောင်ရွက်မှုများတွင် ပါဝင်ကူညီဆောင်ရွက်ခဲ့ကြသည့် ဌာနဆိုင်ရာ တာဝန်ရှိသူများ၊ လူမှုရေးအသင်းအဖွဲ့များ၊ အရပ်ဘက်လူမှုအဖွဲ့ အသီးသီးမှ တာဝန်ရှိသူများ၊ အလှူရှင် များအား ဂုဏ်ပြုမှတ်တမ်းလွှာပေးအပ်ခဲ့ပြီး ငလျင်ဘေးတုံ့ပြန်ဆောင်ရွက်မှုမှတ်တမ်း Video ဖြင့် ပြသ ခဲ့ကြောင်း သိရသည်။

.

ပြီးခဲ့သည့် ၂၀၂၅ ခုနှစ်၊ မတ်လ ၂၈ ရက်က ဖြစ်ပွားခဲ့သည့် ငလျင်ကြီး၏ ရိုက်ခတ်မှုကြောင့် ရှမ်းပြည်နယ်အတွင်းရှိ ညောင်ရွှေမြို့နယ်၊ အင်းလေးကန်ဒေသတွင် အများဆုံး ထိခိုက်ခဲ့ပြီး ကလောမြို့နယ်၊ အောင်ပန်းမြို့တွင်လည်း ဟိုတယ်အောင်ပန်း အဆောက်အဦ ပြိုကျမှုကြောင့် ထိခိုက်သေဆုံးမှုများ ရှိခဲ့သည်။

.