.
၂၀၂၆ ခုနှစ်၊ မတ်လ ၂၂ ရက်
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ နမ့်ဆီးကျေးရွာအုပ်စု၊
တောင်ကြီး-ပင်ငိုသွားလမ်းတွင် ယနေ့ မတ်လ ၂၂ ရက်၊ ညနေ ၃ နာရီခန့်က အမျိုးသား ၂ ဦး ဓါတ်လိုက်သေဆုံးမှု
ဖြစ်ပွားခဲ့ ကြောင်း သိရသည်။
.
တောင်ကြီးမြို့နှင့် ၅ မိုင်ခန့်အကွာ၊ တောင်ကြီး-ပင်ငိုသွားလမ်းရှိ
တောင်ကြီး-ဟိုပုံး သွယ်တန်းထားသည့် ဗို့အား ၁၁၀၀၀ ရှိ လျှပ်စစ်ဓာတ်မီးတိုင်မှ မီးကြိုးတစ်ချောင်းသည်
လေတိုက်ခတ်မှုကြောင့် မြေပြင်နှင့် ၃ ပေ အကွာအထိ လျှော့ကျနေချိန်တွင် ပင်ငိုကျေးရွာနေ
ခွန်ကျော်ထူး မောင်းနှင်ပြီး ခွန်ဖြိုးအောင် လိုက်ပါစီးနင်း လာသည့် မော်တော်ဆိုင်ကယ်သည်
လျှပ်စစ်ဓါတ်ကြိုးအား ဝင်ရောက်ချိတ်မိခဲ့ခြင်းဖြစ်ကြောင်း သိရသည်။
.
အဆိုပါ လျှပ်စစ်မတော်တဆမှုကြောင့် ဆိုင်ကယ်ပေါ်ပါ
အမျိုးသား ၂ ဦးတွင် ဦးခေါင်း၊ မျက်နှာ၊ ရင်ဘတ်နှင့် ခြေထောက်များတွင် ဒဏ်ရာများဖြင့်
ဓါတ်လိုက်ကာ အခင်းဖြင့်နေရာတွင် သေဆုံးသွားခဲ့ကြောင်း သိရသည်။
.
သေဆုံးသူ ၂ ဦးအား ဆန္ဒဗွေလူမှုကူညီရေးအသင်း ယာဉ်ဖြင့်
တောင်ကြီးမြို့၊ စဝ်စံထွန်းဆေးရုံသို့ ပို့ဆောင် ပေးခဲ့ပြီး ဓါတ်လိုက်သေဆုံးမှုနှင့်
ပတ်သက်၍ တောင်ကြီးမြို့မရဲစခန်းတွင် သေမှုသေခင်း ဖွင့်လှစ်ဆောင်ရွက် လျက်ရှိကြောင်း
သိရသည်။
.
No comments:
Post a Comment