.
၂၀၂၆ ခုနှစ်၊ ဧပြီလ ၁၂ ရက်
.
ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ဧပြီလ
၁၀ ရက်၊ နံနက်ပိုင်းက ဆိုင်ကယ်စီးနင်းလာသူ အမျိုးသား တစ်ဦးအား ဓားဖြင့်ခုတ်၍ ဆိုင်ကယ်လုယက်မှုတစ်ခု
ဖြစ်ပွားခဲ့ကြောင်း သိရသည်။
.
အမျိုးသားတစ်ဦးသည် ဧပြီလ ၁၀ ရက်၊ နံနက် အစောပိုင်းက
ကျိုင်းတုံမြို့၊ ဝေါ်ခုတ်ရပ်ကွက်ဘက်သို့ ဆိုင်ကယ်စီးနင်းလာစဉ် အမည်မသိ လူတစ်စုက ဓားဖြင့်တိုက်ခိုက်ပြီး
ဆိုင်ကယ်၊ ဖုန်းနှင့် ပိုက်ဆံအိတ် တို့ကို လုယူထွက်ပြေးသွားခဲ့ခြင်းဖြစ်ကြောင်း သိရသည်။
.
ယင်းကဲ့သို့ လုယက်မှုကြောင့် ဓားဖြင့်ခုတ်ခံရသူမှာ
ကျိုင်းတုံပြည်သူ့ဆေးရုံကြီးတွင် ဆေးကုသမှု ခံယူလျက်ရှိကြောင်း သိရသည်။
.
ကျိုင်းတုံမြို့တွင် ပြီးခဲ့သည့် ဧပြီလ ၅ ရက်၊ နေ့လယ်ပိုင်းကလည်း
ပိုက်ဆံအိတ် လုယက်ခံရမှုတစ်ခု ဖြစ်ပွားခဲ့သေးပြီး လုယက်ခံရသူတွင် ထိခိုက်ဒဏ်ရာများ
ရရှိခဲ့ကြောင်း သိရသည်။
.
အဆိုပါကိစ္စနှင့် ပတ်သက်၍ ကျိုင်းတုံမြို့မရဲစခန်းမှူးအား
ကမ္ဘောဇတိုင်းမှ ဆက်သွယ်မေးမြန်းရာတွင် ဖုန်းဖြင့် ဖြေကြား၍မရကြောင်း ပြန်လည်ပြောဆိုခဲ့သည်။
.
No comments:
Post a Comment