ရှမ်းပြည်နယ်၊
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ တောင်ရပ်ကွက်၌ ယနေ့ ဧပြီလ ၁၈ ရက်
ညနေပိုင်းတွင် အမျိုးသား ၂ ဦး စကားများ ရန်ဖြစ်ရာမှ သစ်သားတုံးဖြင့် ရိုက်သတ်မှု ဖြစ်ပွားခဲ့ကြောင်း
သိရသည်။
.
ဟိုပုံးမြို့၊
တောင်ရပ်ကွက်၊ နယ်မြေ(၁)ရှိ လမ်းတစ်ခုတွင် ခွန်တလဲင်နှင့် ခွန်မောင်ချားတို့ ၂ ဦးသည်
အတူထိုင်လျက် အရက်သေစာ သောက်စားပြီး စကားများ ရန်ဖြစ်စဉ် ခွန်မောင်ချားက ခွန်တလဲင်
အား ယူကလစ် သစ်သားတုံးဖြင့် ရိုက်နှက်ခဲ့ရာ ခွန်တလဲင်၏ ဝဲဘက်နား၊ ပါးစပ်၊ ဝဲဘက်ဦးခေါင်းတို့တွင်
ဒဏ်ရာများ ရရှိပြီး သေဆုံးခဲ့ခြင်း ဖြစ်ကြောင်း သိရသည်။
.
“ သတင်းရတာနဲ့
ချက်ချင်း ဖမ်းဆီးနိုင်ရေး လုပ်ဆောင်ရာမှာ အချိန်အတိုအတွင်းနဲ့ ထွက်ပြေးဖို့ စီစဉ်နေတဲ့
တရားခံကို အမြန်ဆုံး ဖမ်းမိနိုင်ခဲ့ပါတယ်။ အဓိက က အရက်ကြောင့် ဖြစ်ပွားခဲ့တာပါ။” ဟု
တာဝန်ရှိသူ တစ်ဦးက ပြောသည်။
.
အဆိုပါ ယူကလစ်
သစ်သားတုံးဖြင့် လူ သေဆုံးသည်အထိ ရိုက်နှက်ခဲ့သူ ခွန်မောင်ချား ကို ဟိုပုံးမြို့မရဲစခန်း၌
ရာဇသတ်ကြီးပုဒ်မ ၃၀၂ ဖြင့် ဖမ်းဆီးကာ အမှုဖွင့်အရေးယူထားကြောင်း သိရသည်။
No comments:
Post a Comment