.
၂၀၂၆ ခုနှစ်၊ ဧပြီလ ၂၄ ရက်
.
အမေရိကန် နိုင်ငံခြားရေးဝန်ကြီးဌာန၊ နိုင်ငံတကာမူးယစ်ဆေးဝါးနှင့်
တရားဥပဒေစိုးမိုးရေးဆိုင်ရာဗျူရိုက လိမ်လည်မှုဗဟိုဌာနများ တိုက်ဖျက်ရေးအထူးအဖွဲ့ (SCSF)
နှင့် ပူးပေါင်း၍ မြန်မာနိုင်ငံ၊ ကရင်ပြည်နယ်ရှိ တိုင်ချန်း ငွေကြေးလိမ်ဂိုဏ်း၏
အချက်အလက်များနှင့် ပတ်သက်၍ သတင်းပေးသူနိုင်ကို အမေရိကန် ဒေါ်လာ ၁၀ သန်းအထိ ပေးအပ်မည်ဟု
ယမန်နေ့ ဧပြီလ ၂၃ ရက်က ကြေညာခဲ့ကြောင်း သိရသည်။
.
တိုင်ချန်း ကျားဖြန့်ဂိုဏ်း ခေါ် ကျောက်ခတ်ကာစီနို
သို့မဟုတ် ကိုစိုင်းစခန်းသည် ငွေကြေးလိမ်လည်မှုနှင့် ခရစ်ပ်တိုငွေကြေး လိမ်လလည်မှုများကို
ကရင်ပြည်နယ်အတွင်း ပြုလုပ်နေကြောင်း တည်နေရာအတိအကျ ဖြင့် ဖော်ပြထားသည်ကို တွေ့ရသည်။
.
အရှေ့တောင်အာရှ အခြေစိုက် နယ်စပ်ဖြတ်ကျော်
ရာဇဝတ်ဂိုဏ်းများသည် အမေရိကန်နိုင်ငံသားများကို ပစ်မှတ်ထား၍ အကြီးအစား
ဆိုက်ဘာလိမ်လည်မှုများ ပြုလုပ်နေပြီး ခန့်မှန်းချက်အရ ၂၀၂၅ ခုနှစ်အတွင်း
အမေရိကန်နိုင်ငံသားများသည် အရှေ့တောင်အာရှအခြေစိုက် လိမ်လည်မှုများကြောင့် ဒေါ်လာ
၇ ဒသမ ၂ ဘီလီယံကျော် ဆုံးရှုံးခဲ့ရသည်ဟု အမေရိကန်က ဆိုသည်။
.
အဆိုပါ တိုင်ချန်းငွေလိမ်ဂိုဏ်းနှင့် ပတ်သက်၍ သတင်းပေးလို့ပါက
FBI သို့ အီးမေးလ်မှတစ်ဆင့် ဆက်သွယ်နိုင်သည့်အပြင် နီးစပ်ရာ အမေရိကန်သံရုံး
သို့မဟုတ် ကောင်စစ်ဝန်ရုံးများသို့လည်း ဆက်သွယ် သတင်းပေးပို့နိုင်ပြီး သတင်းပေးပို့သူ၏
အချက်အလက်ကို လျှို့ဝှက်ထားမည်ဖြစ်ကြောင်း ဖော်ပြထားသည်။
.
No comments:
Post a Comment