ရှမ်းပြည်နယ်
တောင်ပိုင်း၌ နနွင်းဈေးများ မြင့်တက်လာဖွယ် ရှိနေသဖြင့် တောင်သူများ လက်ဝယ်၌ မရှိတော့ဘဲ
ပွဲစားများက ဝယ်ယူစုဆောင်း၍ လှောင်ထားလျက် ရှိကြောင်း သိရသည်။
.
“ လှောင်ထားကြတာက
၁၂ ဘီးနဲ့ ၅/၆ စီး ဝန်းကျင်လောက်တော့ ရှိတယ်။
ဒါပေမယ့် ကျီးခြေ မဟုတ်ဘူး၊ တောင်ပို့လတို့၊ ဆင်တောင်တို့ပေါ့။ ရှမ်းပြည်မှာက
ကျီးခြေတို့ နနွင်း အမျိုးအစား မရှိဘူး။ ဈေးက တက်လာနိုင်တယ်။” ဟု ကုန်စည်ဆိုင်ရာ ကျွမ်းကျင်သူ
တစ်ဦးက ပြောသည်။
.
လက်ရှိတွင်
စက်သုံးဆီ အခက်အခဲ ရှိသော်လည်း လာမည့် ဇွန်လခန့်တွင် ပုံမှန်အတိုင်း ပြန် ဖြစ်လာဖွယ်
ရှိကာ ရှမ်းမြောက် လမ်းကြောင်းနှင့် အာရှလမ်းမကြီးလည်း ပွင့်သွားပြီ ဖြစ်၍ ကုန်စည်ဈေးနှုန်းများ
မြင့်တက်လာဖွယ် ရှိသည်ဟု သိရသည်။
.
“ စက်သုံးဆီက
ဇွန်လ ပထမအပတ်လောက်မှာ ပြန် အဆင်ပြေမယ်လို့ ခန့်မှန်းထားတာ ရှိတယ်။ စက်သုံးဆီလည်း အိုကေသွားပြီ၊
လမ်းကြောင်းတွေလည်း ပွင့်ပြီဆိုတော့ ကုန်သွယ်ရေး လမ်းကြောင်းက အိုကေပြီဆိုရင် တရုတ်က
ယူမှာ။ အဝယ်လိုက်ပြီဆိုတာနဲ့ ဈေးက မြင့်လာမှာပေါ့။” ဟု ၎င်းက ဆိုသည်။
.
အောင်ပန်းကုန်စည်ဒိုင်၏
ယနေ့ ဧပြီလ ၄ ရက် စျေးနှုန်းများတွင် နနွင်းတက်အသစ် နနွင်းတက် တောင်ပို့လ
- ၁ ဂေါင်းလွတ် တစ်ပိဿာ ၁၂၅၀၀ ကျပ်၊ နနွင်းတက်တောင်ပို့လ - ၂ ဂေါင်းလွတ် တစ်ပိဿာ ၁၁၅၀၀ ကျပ်၊
နနွင်းတက် ဆင်တောင် - ၁ ဂေါင်းလွတ် တစ်ပိဿာ ၁၁၀၀၀ ကျပ်၊ နနွင်းတက် ဆင်တောင်
-၂ ဂေါင်းလွတ် တစ်ပိဿာ ၉၀၀၀ ကျပ်၊ နနွင်းတက်အညံ့စ (ခြင်ဆေးထွန်း) တစ်ပိဿာ ၈၀၀၀ ကျပ်နှင့် နနွင်းမှုန့်
တစ်ပိဿာ ၁၄၀၀၀ ကျပ် ရှိနေကြောင်း သိရသည်။
.
No comments:
Post a Comment