ရှမ်းတောင်တွင် QR Code ဖြင့် ရောင်းချရန် ညွှန်ကြားချက် မလိုက်နာသည့် စက်သုံးဆီဆိုင် ၂၃ ဆိုင်ကို အရေးယူထား

ရှမ်းပြည်နယ်တောင်ပိုင်း ဒေသအတွင်း QR Code ဖြင့် ရောင်းချရန် ညွှန်ကြားချက်အတိုင်း လိုက်နာ ဆောင်ရွက်မှု မရှိသည့် စက်သုံးဆီအရောင်းဆိုင် ၂၃ ဆိုင်ကို အရေးယူမှုများ ဆောင်ရွက်ထားသည်ဟု သိရသည်။

.

အဆိုပါ စက်သုံးဆီအရောင်းဆိုင် ၂၃ ဆိုင်ကို အပတ်စဉ် ခွင့်ပြုပေးနေသည့် PO ပမာဏမှ လျှော့ချ စေသည့် နည်းလမ်းဖြင့် အရေးယူထားခြင်း ဖြစ်ပြီး Bar Code/QR Code များဖြင့် ရောင်းချနေမှုကို နေပြည်တော်ရှိ Online Monitoring Center မှ စောင့်ကြည့် ကြပ်မတ်ဆောင်ရွက်လျက် ရှိကြောင်း ရှမ်းပြည်နယ် ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန ထံက သိရသည်။

.

အလားတူ ပြီးခဲ့သည့် မတ်လ ၂၉ ရက်မှ ၃၁ ရက်အတွင်း Server Data မှ ရရှိသော သတင်းစာရင်းအရ ညွှန်ကြားချက်များအား လိုက်နာမှု မရှိကြောင်း စိစစ်တွေ့ရှိရသည့် ရှမ်းပြည်နယ်(တောင်ပိုင်း)မှ အရောင်းဆိုင် ၇ ဆိုင်အား ဧပြီလ ၂ ရက်နေ့တွင် ခေါ်ယူတွေ့ဆုံကာ ပြင်းထန်စွာ သတိပေးခဲ့ပြီး ထပ်မံ၍ လိုက်နာရန် ပျက်ကွက်ပါက ထိရောက်စွာ အရေးယူသွားမည် ဖြစ်ကြောင်း သတိပေးခဲ့ပြီး ဖြစ်သည်ဟုလည်း သိရသည်။

.

ရှမ်းပြည်နယ်တောင်ပိုင်း၊ တောင်ကြီးခရိုင်နှင့် ကလောခရိုင်အတွင်းရှိ စက်သုံးဆီဆိုင်များတွင် QR ဖတ်ရှု၍ စုံ/မ စနစ်အတိုင်း ရောင်းချပေးခဲ့ရာ မတ်လ ၂၃ ရက်တွင် QR စနစ်ပုံစံ အသစ်ဖြင့် တစ်ပတ်တွင် ၂ ကြိမ် အင်ဂျင်ပါဝါအလိုက် ရောင်းချသည့်စနစ်ဖြင့် ပြောင်းလဲကျင့်သုံးခဲ့ပြီး ဧပြီလ ၃ ရက်တွင် Light Truck ယာဉ်များအား ကီလိုမီတာဖြင့် သတ်မှတ်၍ ပြောင်းလဲ ရောင်းချပေးလျက် ရှိကြောင်း သိရသည်။

.

#KBZTai #Shan #Taunggyi #Petroleum

.