.
၂၀၂၆ ခုနှစ်၊ မေလ ၈ ရက်
မြောက်ကိုရီးယားဟာ ရုရှားအတွက်
စစ်ကူတိုက်ပေးဖို့ သူတို့ရဲ့ လက်ရွေးစင်စစ်သား ၁၁၀၀၀ ကို စေလွှတ်ထားခဲ့ပြီး
လက်ရှိမှာတော့ စစ်သား ၆၀၀၀ လောက် ကျဆုံးသွားခဲ့ပါပြီ။ မြောက်ကိုရီးယားရော၊
ရုရှားဖက်ကပါ စစ်ပွဲနဲ့ပတ်သက်ပြီး ကျဆုံးတဲ့သတင်းတွေကို ထိန်းချုပ်ထားပေမဲ့
မြောက်ကိုရီးယားမှာ တည်ဆောက်ထားတဲ့ အထိမ်းအမှတ်သင်္ချိုင်းကနေ အချက်အလက်တွေကို
ခန့်မှန်းရရှိထားတာပါ။
.
၂၀၂၅ခုနှစ် အောက်တိုဘာမှာ ကင်ဂျုံအန်က
ရုရှား-ယူကရိန်းစစ်ပွဲမှာ ကျဆုံးခဲ့တဲ့ စစ်သားတွေကို ဂုဏ်ပြုဖို့ ဆိုပြီး
ဟွာဆောင်းခရိုင်ထဲမှာ ပြတိုက်တစ်ခုဆောက်ဖို့ စီစဉ်ခဲ့ပါတယ်။ ၂၀၂၆ ဧပြီလမှာတော့
ပြတိုက်က အလုံးစုံပြီးသွားခဲ့ပြီး ၉၈ ပေရှိတဲ့ အောက်မေ့ဖွယ်ရာ နံရံ ၂ ခု၊ အဆောက်အဦတစ်ခုနဲ့
သင်္ချိုင်းတစ်ခု ပါဝင်ပါတယ်။
.
အဲဒီ နံရံ ၂ ခုမှာတော့ ကျဆုံးသွားတဲ့
စစ်သားတွေရဲ့နာမည်ကို ရေးထိုးထားပြီး နံရံတစ်ခုမှာ စစ်သား ၃၀၀၀
ကျော်ရဲ့အမည်တွေရှိနေတာမို့ စစ်သားအရေအတွက် ၆၀၀၀ လောက်က ရုရှားမှာ ကျဆုံးသွားတာကို
သိရှိနေရတာ ဖြစ်ပါတယ်။
.
ရုရှားဖက်ကတော့
မြောက်ကိုရီးယားရဲ့စစ်သားထောက်ပံ့မှုတွေအတွက် အစားအစာ၊ နည်းပညာနဲ့
ငွေကြေးအကူအညီတွေပြန်လည်ပေးထားပါတယ်။
.
ကင်ဂျုံအန်က ရုရှားစစ်ပွဲအတွင်းမှာ ထူးခြားတဲ့
ရဲစွမ်းသတ္တိပြပြီး ကျဆုံးသွားခဲ့သူတွေအတွက် အပြင်ဖက် ကျောက်စာတိုင်တွေမှာ
ဂုဏ်ပြုထားပြီး အခြားသူတွေကိုတော့အရိုးအိုးတွေနဲ့သာ ထားရှိတာပါ။
.
၂၀၂၄ ခုနှစ်၊ ဩဂုတ်လမှာ ယူကရိန်းက ကာ့စ်ဒေသကို
အံ့အားသင့်ဖွယ်ထိုးစစ်ဆင်လာတဲ့အချိန်မှာပဲ
မြောက်ကိုရီးယားရဲ့စစ်သားပို့ဆောင်မှုတွေက စတင်ခဲ့တာပါ။ ရုရှားအနောက်ပိုင်း
ကာ့စ်ဒေသကို ပြန်လည်သိမ်းယူဖို့အတွက် ရုရှားရဲ့အကူအညီတောင်းခံမှုကို ရရှိခဲ့ပြီး
လက်ရှိအချိန်မှာတော့ ရုရှားဖက်က အပြည့်အဝပြန်လည်ထိန်းချုပ်နိုင်ခဲ့ပြီဖြစ်ပါတယ်။
.
No comments:
Post a Comment