.
၂၀၂၆ ခုနှစ်၊ မေလ ၄ ရက်
.
စက်သုံးဆီအခက်အခဲကြောင့် သတ်မှတ်ထားသည့် မော်တော်ယာဉ်
စုံ/မစနစ်အား ပြန်လည် ပယ်ဖျက် ပေးစေလိုကြောင်း တောင်ကြီးဒေသခံများထံက သိရသည်။
.
မော်တော်ယာဉ် စုံ/မစနစ် သတ်မှတ်ချက်ကြောင့်
ယာဉ်အသုံးပြုသူများအနေဖြင့် နေ့စဉ်သွားလာရေး အပါအ၀င် လုပ်ငန်းများ ဆောင်ရွက်ရာတွင်
အခက်အခဲများ ဖြစ်ပေါ်လာနေကြောင်း သိရသည်။
.
“စုံ/မစနစ် သတ်မှတ်ထားတော့ အရေးအကြောင်း
ဆေးရုံဆေးခန်း သွားဖို့လိုရင်တောင် လမ်းမှာ အဖမ်းခံရမှာ ကြောက်နေရတယ်။ စက်သုံးဆီနဲ့
ကန့်သတ်ထားပြီးပြီပဲ။ စုံ/မစနစ်ကတော့ ပြန်ဖျက်သိမ်းပေးရင် ကောင်း ပါတယ်”
တောင်ကြီးဒေသခံတစ်ဦးက ကမ္ဘောဇတိုင်းသို့ ပြောသည်။
.
လာမည့်ဇွန်လဆန်းပိုင်းတွင် အခြေခံပညာ စာသင်ကျောင်းများ
ဖွင့်လှစ်မည်ဖြစ်ရာ မော်တော်ယာဉ် စုံ/မစနစ်ကို ဆက်လက်ထားရှိပါက ကျောင်းပို့/ကျောင်းကြို
လုပ်ကိုင်ရာတွင်လည်း အခက်အခဲများ ကြုံလာနိုင်ကြောင်း သုံးသပ်ပြောဆိုမှုများ ရှိနေသည်။
.
“၆ လပိုင်းဆိုရင် ကျောင်းတွေပြန်ဖွင့်တော့မယ်။ ကျောင်းဖွင့်ချိန်က
မိုးရာသီလည်း ဖြစ်တော့ ဒီသတ်မှတ်ချက် ရှိနေရင် ကျောင်းတက်ရမယ့် ကလေးတွေနဲ့ မိဘတွေပါ
အဆင်မပြေနိုင်ဘူးပေါ့။ အစိုးရ အနေနဲ့ ဒီစနစ်ကို ပြန်ပြီး ဖြေလျော့ပေးစေချင်ပါတယ်”
ဟု အခြားဒေသခံတစ်ဦးကလည်း ဆက်လက် ပြောဆိုခဲ့သည်။
.
တောင်ကြီးမြို့နယ်အတွင်း မော်တော်ယာဉ်နှင့် မော်တော်ဆိုင်ကယ်များကို
စုံမစနစ် စတင်သတ်မှတ်သည့် အချိန်မှစ၍ ယနေ့အထိ သတ်မှတ်စည်းကမ်း မလိုက်နာမှုဖြင့် ဖမ်းဆီးထားသည့်
အမှုပေါင်း ၂၇၀ ခန့် ရှိနေပြီ ဖြစ်ကြောင်း အမှတ် (၁၈) ယာဉ်ထိန်းရဲ၊ ဒုတပ်ဖွဲ့ခွဲမှူးရုံး၊
ရှမ်းတောင် ထံက သိရသည်။
.
No comments:
Post a Comment