.
၂၀၂၆ ခုနှစ်၊ မေလ ၁၃ ရက်
.
ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးဒေသရှိ
ဘုရားတောင်ကျေးရွာမှ ညောင်ရွှေမြို့ပေါ် သို့ လိုင်းကား ပြန်လည်ပြေးဆွဲပေးသွားမည်ဖြစ်ကြောင်း
သိရသည်။
.
“ဘုရားတောင်-ညောင်ရွှေလိုင်းကားက ပြေးဆွဲနေတာတော့
ကြာပါပြီ။ COVID-19 မှာ နားလိုက်ပြီးတော့ အခုမှ ပြန်ဆွဲတာပါ။
ဘုရားတောင်ပရဟိတကျောင်းမှာ ကျောင်းသား/သူတွေက များတယ်။ ဆရာတော်နဲ့ ဒေသခံတွေက သွားလာရေး
အခက်အခဲဖြစ်တာကြောင့် (လိုင်း) ပြန်ဖွင့်ပေးဖို့ တောင်းဆိုလို့ ပြန်ဆွဲဖြစ် တာပါ” ဟု
ညောင်ရွှေ-ဘုရားတောင်ဂိတ်မှူးက ပြောသည်။
.
ညောင်ရွှေ-စံကား-ဘုရားတောင် ယာဉ်လိုင်းကို ယခင် ပြေးဆွဲစဉ်က
ခရီးသည်တစ်ဦးလျှင် ကားခ ၄၀၀၀ ကျပ် ကောက်ခံခဲ့ပြီး ယခုအခါ စက်သုံးဆီဈေးနှုန်း ကြီးမြင့်မှုကြောင့်
ကားခဈေးနှုန်း မသတ်မှတ်ရသေးဘဲ ညှိနှိုင်းတိုင်ပင်နေဆဲဖြစ်သည်ဟု ၎င်းထံက သိရသည်။
.
ညောင်ရွှေ-တောင်ကြီး ခရီးစဉ်အတွက် ယာဉ်စီးခမှာ စက်သုံးဆီဈေးနှုန်း
ကြီးမြင့်မှုကြောင့် ခရီးသည်တစ်ဦး လျှင် ၅၀၀၀ ကျပ် ကောက်ခံပြီး ကားတစ်စီးလျှင် ခရီးသည်
၁၂ ဦးသာ တင်ဆောင်ပြေးဆွဲပေးနေကြောင်း သိရသည်။
.
အဆိုပါ ညောင်ရွှေ-စံကား-ဘုရားတောင် ယာဉ်လိုင်းကို
မေလ ၁၇ ရက်မှ စတင်ပြီး တစ်ရက်တစ်းစီးနှုန်းဖြင့် နေ့စဉ် နေ့လယ် ၁ နာရီ အချိန်တွင် ပြန်လည်ပြေးဆွဲပေးသွား
မည်ဖြစ်ကြောင်း သိရသည်။
.
No comments:
Post a Comment