၂၀၂၆ ကမ္ဘာ့ဖလား ဖွင့်ပွဲအခမ်းအနားမှာ ဖျော်ဖြေခွင့်ရတဲ့ လီဆာ

တောင်ကိုရီးယားရဲ့ နာမည်ကျော် ကေပေါ့ပ်အဖွဲ့ဖြစ်တဲ့ Black Pink အဖွဲ့ဝင် လီဆာ ကတော့ ၂၀၂၆ ကမ္ဘာ့ဖလား ပြိုင်ပွဲရဲ့  ဖွင့်ပွဲအခမ်းအနားမှာ ပါဝင် ဖျော်ဖြေဖို့ သေချာသွားပါပြီ။

.
ကမ္ဘာ့ဘောလုံးအဖွဲ့ချုပ်က လာမယ့် ကမ္ဘာ့ဖလားဖွင့်ပွဲ အခမ်းအနားတွေအတွက် ဖျော်ဖြေမယ့် အနုပညာရှင်တွေကို ဒီနေ့ ထုတ်ပြန်ကြေညာခဲ့တာပါ။ ဒီနှစ် ကမ္ဘာ့ဖလားကို နိုင်ငံ ၃ နိုင်ငံဖြစ်တဲ့ ကနေဒါ၊ မက္ကဆီကိုနဲ့ အမေရိကန်နိုင်ငံတွေမှာ ပူးတွဲကျင်းပမှာ ဖြစ်ပြီး FIFA က အိမ်ရှင် တစ်နိုင်ငံချင်းစီမှာ ဖွင့်ပွဲ အခမ်းအနားတွေ ကျင်းပသွားမှာ ဖြစ်ပါတယ်။

.
လီဆာက အမေရိကန် ဖွင့်ပွဲအခမ်းအနားအတွက် ဖျော်ဖြေရမှာြ ဖစ်ပြီး ကေတီပယ်ရီ၊ ဖြူးခြား၊ အန်နစ်တာ၊ ရီမာ၊ တိုင်လာ တို့နဲ့အတူ ပါဝင်ဖျော်ဖြေသွားမှာ ဖြစ်ပါတယ်။

.

လော့စ်အိန်ဂျလိစ်မှာ ကျင်းပမယ့် ဒီဖွင့်ပွဲ အခမ်းအနားက ၂၀၂၆ ကမ္ဘာ့ဖလားရဲ့ အံ့မခန်း ကြီးကျယ်မှုကို ကိုယ်စားပြုနေပါတယ်လို့ FIFA ဥက္ကဌ အင်ဖန်တီနိုက ဆိုပါတယ်။

.
“ဖျော်ဖြေမယ့် အနုပညာရှင်စာရင်းက အမေရိကန်နိုင်ငံရဲ့ ကွဲပြားတဲ့ ယဉ်ကျေးမှုနဲ့ လူမျိုးစုံ အဖွဲ့အစည်းတွေရဲ့ တက်ကြွမှုကို ထင်ဟပ်စေပါတယ်။ ဒါ့အပြင် အမေရိကန်ရဲ့ ဂီတ၊ ဖျော်ဖြေရေးနဲ့ ပေါ့ပ်ရေစီးကြောင်း သက်ရောက်မှုကို ဖော်ပြနေပြီး ဂီတက လူတွေကို တစုတစည်းတည်း ဖြစ်အောင် ချိတ်ဆက်ပေးမယ့် အင်အားကိုလည်း မြင်တွေ့ရစေမှာပါ” လို့ အင်ဖန်တီနိုက ပြောပါတယ်။

.
အမေရိကန်မှာ ပြုလုပ်မယ့် ကမ္ဘာ့ဖလား ဖွင့်ပွဲအခမ်းအနားကို ဇွန်လ ၁၂ ရက်နေ့၊ အမေရိကန်စံတော်ချိန် ညနေ ၄ နာရီခွဲမှာ ပြုလုပ်မှာ ဖြစ်ပြီး အမေရိကန်နဲ့ ပါရာဂွေးတို့ရဲ့ အဖွင့်ပွဲစဉ် မတိုင်မီ မိနစ် ၉၀ အလိုမှာ စတင် ကျင်းပသွားမှာ ဖြစ်ပါတယ်။