တောင်ကြီးတွင် နှစ် (၈၀) ပြည့် မြန်မာနိုင်ငံမီးသတ်တပ်ဖွဲ့နေ့ အခမ်းအနား ကျင်းပ

.

၂၀၂၆ ခုနှစ်၊ မေလ ၅ ရက်

.

နှစ် (၈၀) ပြည့် မြန်မာနိုင်ငံမီးသတ်တပ်ဖွဲ့နေ့ အခမ်းအနားကို ယနေ့ မေလ ၅ ရက်၊ နံနက်ပိုင်းက တောင်ကြီးမြို့အထွက် ၂ မိုင်ရှိ ခရိုင်မီးသတ်စခန်းတွင် ကျင်းပပြုလုပ်ခဲ့ကြောင်း သိရသည်။

.

.

အခမ်းအနားတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးစိုင်းထိန်စိုးက အမှာစကား ပြောကြားပြီး ရဲကျော်သူတံဆိပ်၊ လူမှုထူးချွန်တံဆိပ်နှင့် သင်တန်းထူးချွန်ဆုရသူများ၊ စခန်းသာယာလှပရေးဆုများအား ပေးအပ်ချီးမြှင့်ခဲ့ကြောင်း သိရသည်။

.

ထို့နောက် မီးသတ်တပ်ဖွဲ့ဝင်များက ရှာဖွေကယ်ဆယ်ရေးနှင့် မီးငြှိမ်းသတ်ရေးစွမ်းရည်များကို သရုပ်ပြသခဲ့ပြီး ပြည်နယ်ဝန်ကြီးချုပ်နှင့် တာဝန်ရှိသူများက ခင်းကျင်းပြသထားသော မီးငြှိမ်းသတ်ရေးနှင့် ရှာဖွေကယ်ဆယ်ရေးပစ္စည်း ကိရိယာများကို ကြည့်ရှုစစ်ဆေးခဲ့ကြောင်း သိရသည်။

.