မနေ့ညက
ပွဲစဉ်မှာ အက်သလက်တီကို ကို ၁-၀ နဲ့ အနိုင် ရရှိပြီးတဲ့နောက် အာဆင်နယ်တို့
ချန်ပီယံလိဂ် ဗိုလ်လုပွဲဆီ ချီတက်သွားခဲ့ပါပြီ။
.
ပြီးခဲ့တဲ့နှစ်တုန်းက
PSG ကို
ဆီမီးဖိုင်နယ်မှာ ရှုံးခဲ့လို့ ဗိုလ်လုပွဲ ကစားခွင့်နဲ့ ဝေးခဲ့ရတဲ့ အာဆင်နယ်ဟာ
ဒီနှစ် ဆီမီးဖိုင်နယ်မှာတော့ အက်သလက်တီကို အသင်းကို နှစ်ကျော့ပေါင်း ရလာဒ် ၂-၁ နဲ့
အနိုင်ရပြီး ဗိုလ်လုပွဲ တက်ခဲ့တာပါ။
.
ပထမအကျော့
အက်သလက်တီကို အိမ်ကွင်းမှာ ၁-၁ သရေ ကျခဲ့တာမို့ အိမ်ကွင်းပွဲမှာ အာဆင်နယ်တို့
အမှား မရှိအောင် ကစားခဲ့ကြပြီး အသင်းခေါင်းဆောင် ဆာကာ ရဲ့ တစ်လုံးတည်းသော ဂိုးနဲ့
နိုင်ခဲ့တာပါ။
.
ပွဲချိန်
၄၄ မိနစ်မှာ ရသွားတဲ့ အဲဒီဂိုးက ထရော့ဆတ်ရဲ့ ကန်ချက်ကို အက်သလက် ဂိုးသမား
ပုတ်ထုတ်ရာက တစ်ဆင့် ဘောလုံး ပြန်ထွက်လာပြီး အဲဒီဘောလုံးကို ဆာကာ က ပိတ် သွင်းသွားခဲ့တာပါ။
.
အက်သလက်တီကို
ဖက်ကလည်း ဂိုး ရနိုင်မယ့် အခွင့်အရေးတွေ ရခဲ့ပြီး သူတို့ရဲ့တို က်စစ်မှုး
ဆီမြွန်နီ ကို ရိုက်စ်၊ ဂါဘရီယယ်တို့ ခက်ခက်ခဲခဲ ထိန်းချုပ်ခဲ့ရတာပါ။
.
နောက်ဆုံးမှာတော့
အာဆင်နယ်ကပဲ ပထမပိုင်းမှာ ရတဲ့ တစ်ဂိုးနဲ့ နိုင်သွားခဲ့ပြီး ဘူဒါပက်စ်မှာ
ကစားရမယ့် ချန်ပီယံလိဂ် ဗိုလ်လုပွဲဆီ ရောက်ရှိသွားခဲ့ပါတယ်။
.
အာဆင်နယ်ဟာ
၂၀၀၆ ခုနှစ်မှာ ချန်ပီယံလိဂ် ဗိုလ်လုပွဲကို နောက်ဆုံး ရောက်ခဲ့ဖူးတာ ဖြစ်ပြီး
ဘာစီလိုနာကို ရှုံးခဲ့လို့ ချန်ပီယံလိဂ်ဖလားကို လက်လွှတ်ခဲ့ရတာပါ။
.
ဒီနှစ်
ချန်ပီယံလိဂ် ဗိုလ်လုပွဲမှာလည်း အာဆင်နယ်နဲ့ ရင်ဆိုင်ရမယ့်အသင်းက ဘိုင်ယန်နဲ့ PSG တစ်သင်းသင်းမို့
အာဆင်နယ်အတွက် လွယ်ကူပါ့မလားဆိုတာ စောင့်ကြည့်ရဦးမှာပါပဲ။
.
No comments:
Post a Comment