ရှမ်းပြည်မြောက်ပိုင်း၊
လားရှိူးမြို့တွင် ယနေ့ မေလ
၆ ရက်၊ ညနေပိုင်းက လေပြင်းတိုက်၍ မိုးသည်းထန်စွာ ရွာသွန်းမှုကြောင့်
သစ်ပင်များ ကျိုးကျကာ ဓာတ်တိုင်နှင့်
ဆိုင်းဘုတ်များ ပျက်စီးခဲ့ကြောင်း သိရသည်။
.
“ လားရှိုးဘူတာ လမ်းမကြီးပေါ် တရားရုံးလမ်းကနေ
ခရေပင်လမ်း၊ လားရှိုးမိုတယ်နားထိ သစ်ပင်ကြီးတွေ ကျိုးကျ
ပြိုလဲကုန်တာ တွေ့ရပါတယ်။ ဓါတ်မီးတိုင်တွေလည်း ပြိုကုန်ပါတယ်။
ပျက်ဆီးဆုံးရှုံးမှု အသေးစိတ်ကိုတော့ မသိရသေးပါဘူး။ ကူညီကယ်ဆယ်ရေးတွေတော့ လုပ်ဆောင်နေကြပါတယ်။”ဟု
လားရှိုးဒေသခံ တစ်ဦးက ပြောသည်။
.
ရှမ်းပြည်နယ်မြောက်ပိုင်းနှင့်
အရှေ့ပိုင်း အပါအဝင်
တိုင်းနှင့် ပြည်နယ်အချို့တွင် မိုးတိမ်တောင်များ
ဖြစ်ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင်
မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊
မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့်
မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ရန် မိုးလေဝသနှင့်
ဇလဗေဒညွှန်ကြားမှု ဦးစီးဌာနက အကြံပြုထားသည်။
.
No comments:
Post a Comment