အမေရိကန်နဲ့
အီရန်တို့ အကြားက အပစ်အခတ်ရပ်စဲမှု အဆုံးသတ်သွားခဲ့ပြီး ဟော်မုဇ် ရေလက်ကြားမှာလည်း ပစ်ခတ်မှုတွေ ပြန်လည်စတင်နေပါပြီ။ အမေရိကန်ရဲ့
စစ်သင်္ဘော တစ်စင်းကို အီရန်တို့က ဒုံးကျည် ၂ လုံးနဲ့ ပစ်ခတ်ခဲ့တယ်လို့
အီရန်မီဒီယာတွေမှာ ဖော်ပြနေကြပါတယ်။ အမေရိကန်ဘက်ကတော့
ဘယ်သင်္ဘောမှ ထိခိုက်မှု မရှိတဲ့အကြောင်း တုန့်ပြန်ထားပါတယ်။
.
ပင်လယ်ကွေ့နိုင်ငံတွေ
အပေါ် အီရန်ရဲ့တိုက်ခိုက်မှုတွေ ပြန်လည် စတင်လာခဲ့ပြီး ယူအေအီးဘက်ကို ဒုံးကျည်
၄ လုံးနဲ့ ပစ်ခတ်မှု ပြုလုပ်ခဲ့ပါတယ်။ ပထမ ၂ လုံးကို ယူအေအီးဘက်က ဖျက်ဒုံးနဲ့ ကာကွယ်နိုင်ခဲ့ပြီး တတိယတစ်လုံးက ပင်လယ်ထဲ ကျသွားခဲ့တာပါ။
ဒါပေမယ့် နောက်ဆုံး တစ်လုံးကတော့ ယူအေအီး ရေနံစက်မှုဇုန်ကို ထိမှန်သွားခဲ့ပြီး
မီးလောင်မှု ဖြစ်ပွားနေပါပြီ။
.
ဟော်မုဇ်ရေလက်ကြားမှာ တောင်ကိုရီးယား သင်္ဘောတစ်စီး
ပစ်ခတ်ခံရတယ်လို့ ကိုရီးယားဖက်က အတည်ပြုလိုက်ပါတယ်။ သင်္ဘောပေါ်မှာ အင်ဂျင်ခန်း
မီးလောင်မှုနဲ့ ပေါက်ကွဲမှုတွေ ဖြစ်ခဲ့ပြီး ထိခိုက်ဒဏ်ရာ ရရှိမှု အခြေအနေကိုတော့
မသိကြသေးပါဘူး။ သင်္ဘောပေါ်မှာ ကိုရီးယားသင်္ဘောသား ၆ ဦးနဲ့ နိုင်ငံခြားသား ၁၈ ဦး ပါရှိပါတယ်။
.
ကာတာနိုင်ငံရဲ့
ဆီတင်သင်္ဘောတစ်စီးကို အီရန်ဖက်က ပစ်ခတ်လိုက်တဲ့အတွက် ပြင်းပြင်းထန်ထန်
ရှုံ့ချကြောင်း ကာတာအစိုးရက အသိပေးလိုက်ပါတယ်။ ကာတာအနေနဲ့ ဒီ ရေလက်ကြားကို
နိုင်ငံရေးအရ အသုံးချနေမှုအပေါ် ကန့်ကွက်ကြောင်းနဲ့ အမြန်ဆုံး ပြန်ဖွင့်ပေးဖို့
တောင်းဆိုကြောင်း သတိပေးထားပါတယ်။
.
အမေရိကန်ရဲ့စီးပွားရေးဝန်ကြီး
ဘတ်ဆန့် က တရုတ်နိုင်ငံအနေနဲ့ ဟော်မုဇ်ရေလက်ကြားကို ပြန်ဖွင့်ပေးဖို့ အီရန်ကို
တွန်းအားပေးသင့်ကြောင်း တိုက်တွန်းလိုက်ပါတယ်။ အီရန်ရဲ့ စွမ်းအင်တင်ပို့မှု ၉၀
ရာခိုင်နှုန်းကို တရုတ်က ဝယ်ယူနေတဲ့အတွက် အဲဒီအားသာချက်ကို အသုံးချပြီး ရေလက်ကြား ပြန်ဖွင့်ပေးဖို့
ဖိအားပေး တောင်းဆိုသင့်တယ်လို့ ဘတ်ဆန့်က တိုက်တွန်းထားပါတယ်။
.
Source
- CNA
No comments:
Post a Comment