.
၂၀၂၆ ခုနှစ်၊ မေလ ၆ ရက်
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ အေးသာယာမြို့၊
အမှတ် (၁၀) ရပ်ကွက်တွင် ယနေ့ မေလ ၆ ရက်၊ နံနက်ပိုင်းက အမည်မသိ အမျိုးသားတစ်ဦး ရိုက်နှက်ခံရသည့်
ဒဏ်ရာများဖြင့် သေဆုံးမှု ဖြစ်ပွားခဲ့ ကြောင်း သိရသည်။
.
အေးသာယာမြို့၊ အမှတ် (၁၀) ရပ်ကွက်ရှိ အုတ်တိုင်းကာရံထားသည့်
၆ ကွက်တွဲ ခြံဝင်းတွင် ယနေ့ မေလ ၆ ရက်၊ နံနက် ၉ နာရီခန့်က အမည်မသိ၊ အသက် ၄၀ အရွယ်ခန့်ရှိ
အမျိုးသားတစ်ဦးအား နောက်စေ့ပေါက်ပြဲ သွေးထွက်ဒဏ်ရာ၊ မျက်နှာပြင် ဖူးရောင်ဒဏ်ရာ၊ နှုတ်ခမ်းကွဲအက်ဒဏ်ရာ၊
လည်ပင်းပြတ်ရှဒဏ်ရာ စိုးရိမ်ရ တို့ဖြင့် သတိလစ် မေ့မျောနေသည်ကို တွေ့ရှိခဲ့ခြင်းဖြစ်ကြောင်း
သိရသည်။
.
သို့ဖြစ်၍ အဆိုပါ အမျိုးသားအား တောင်ကြီးမြို့၊ စဝ်စံထွန်းဆေးရုံသို့
ရဲဆေးစာဖြင့် ပို့ဆောင်ခဲ့ပြီး ဆေးကုသမှု ခံယူနေစဉ် သေဆုံးသွားခဲ့ခြင်းဖြစ်ကြောင်း
သိရသည်။
.
“ဒဏ်ရာတွေနဲ့တွေ့တာ ဟုတ်ပါတယ်။ ဘယ်သူဘယ်ဝါဆိုတာ စိစစ်နေတုန်းပါ။
ရိုက်တဲ့သူကိုတော့ မမိသေးပါဘူး။ ဒဏ်ရာနဲ့သူကတော့
ဆေးရုံမှာ သေဆုံးသွား ပါတယ်” ဟု အေးသာယာနယ်မြေစခန်းမှူး ရဲအုပ် စောဦးက ကမ္ဘောဇတိုင်းသို့
ပြောသည်။
.
အဆိုပါ အမျိုးသား သေဆုံးမှုနှင့် ပတ်သက်၍ အေးသာယာနယ်မြေရဲစခန်းတွင်
လူသတ်မှု ပုဒ်မ ၃၀၂ ဖြင့် အမှုဖွင့်ထားပြီး ကျူးလွန်သူအား ဖမ်းဆီးရမိရေးအတွက် ဆောင်ရွက်လျက်ရှိကြောင်း
သိရသည်။
.
No comments:
Post a Comment