ကလေးမွေးဖွားနှုန်း အံ့အားသင့်ဖွယ်တိုးလာတဲ့ တောင်ကိုရီးယား

.

၂၀၂၆ ခုနှစ်၊ မေလ ၁၁ ရက်

.

.

တောင်ကိုရီးယားနိုင်ငံမှာ လူဦးရေကျဆင်းမှုကို သိသိသာသာ ခံစားနေရပြီး ကလေးမွေးဖွားနှုန်း အနိမ့်ဆုံး နိုင်ငံတွေထဲက တစ်နိုင်ငံအဖြစ် သတ်မှတ်ခံထားရတာပါ။ တောင်ကိုရီးယားအမျိုးသမီးတွေက သူတို့ကိုယ် သူတို့ အလှမပျက်ချင်ကြတာကြောင့် ကလေးယူဖို့ကို မစဉ်းစားချင်ကြဘဲ တစ်အိမ်ထောင်ကို ကလေး တစ်ယောက်လောက် ရဖို့တောင် ခက်ခဲနေကြတာပါ။

.

ဒါပေမဲ့ ၂၀၂၆ ခုနှစ်ထဲမှာတော့ ကလေးမွေးဖွားနှုန်းက ပြန်လည်တိုးတက်လာနေတာကို အံ့အားသင့်ဖွယ် တွေ့လာရပါတယ်။

.

တောင်ကိုရီးယားအစိုးရက အိမ်ထောင်စုတွေ ကလေးပိုမွေးစေဖို့အတွက် နှစ်စဉ် ဒေါ်လာ ဘီလီယံနဲ့ချီတဲ့ အစီအစဉ်တွေ လုပ်နေခဲ့တာပါ။ တောင်ကိုရီးယားမှာ အမျိုးသမီးတွေက ကလေးမွေးရင် အလှပျက်မှာအပြင် ကလေးစရိတ်၊ အလုပ်အကိုင်အပေါ်သက်ရောက်နိုင်မှု၊ ကလေးရှိလာရင် ထိန်းသိမ်းစောင့်ရှောက်ဖို့ အချိန် မပေးနိုင်မှု စတာတွေကြားမှာ ပိတ်မိနေခဲ့ပြီး ၂၀၂၃ ခုနှစ်မှာ မွေးဖွားမှုနှုန်းက စံချိန်တင် အနိမ့်ဆုံးအဆင့်ကို ရောက်သွားခဲ့ပါတယ်။

.

တောင်ကိုရီးယားအချက်အလက်ဌာနရဲ့ဖော်ပြချက်အရ ပြီးခဲ့တဲ့ ဖေဖော်ၒါရီလအတွင်းမှာတင် ကလေး ၂၃၀၀၀ နီးပါး မွေးဖွားခဲ့ပြီး ပြီးခဲ့တဲ့ ၇ နှစ်အတွင်း စံချိန်တင်နှုန်းထား ဖြစ်ခဲ့ပါတယ်။

.

အစိုးရအနေနဲ့ ကလေးမွေးဖွားမယ်ဆိုရင် ကိုယ်ဝန်ဆောင်စရိတ်က အစ၊ လုပ်ငန်းခွင် လစာပြည့်ခွင့်၊ ကလေး မွေးတဲ့အချိန် ကုန်ကျစရိတ်တွေအပြင် ကလေးပြုစုစရိတ်ဆိုပြီး ပေးနေတာတွေကလည်း အမျိုးသမီး တွေရဲ့ ကလေးမွေးချင်စိတ်ကို ပြန်ပြီး လှုံ့ဆော်လာနိုင်ခဲ့ပါတယ်။

.

အစိုးရအနေနဲ့ အမျိုးသမီးတစ်ယောက် ကလေးမွေးတဲ့အခါ ဝမ် ၂ သန်း

.

မီးဖွားစရိတ် အတွက် ဝမ် ၁ သန်း သယ်ယူပို့ဆောင်ရေးနဲ့ မီးဖွားပြီးတဲ့နောက် စောင့်ရှောက်ရေး အထောက်အပံ့ဆိုတာတွေပါ ထပ်ပေးထား ပါသေးတယ်။ ဒါ့အပြင် ကလေးရဲ့ ပထမတစ်နှစ်အတွင်း မိဘတွေကို လစဉ် ဝမ် ၁ သန်း ထောက်ပံ့ပေးသလို ကလေးရှိနေတဲ့ မိသားစုတွေအတွက် အတိုးနည်းချေးငွေ၊ မိဘခွင့်တိုးချဲ့ပေးခြင်းနဲ့ အခြားအထောက်အပံ့တွေကိုလည်း ပေးနေသေးတာပါ။

.

တချို့ကုမ္ပဏီတွေကလည်း ကလေးမွေးတဲ့ဝန်ထမ်းတွေကို ဆုကြေးငွေအများကြီးပေးတာတွေတောင် လုပ်ကြပြီး မွေးဖွားမှုနှုန်းကို ပြန်လည်မြင့်တက်လာအောင် ကြိုးစားနေကြတာပါ။

.

တစ်ဖက်မှာတော့ မိဘဖြစ်လာမယ့်သူတွေက အစိုးရက ထောက်ပံ့မယ်ဆိုတဲ့ ပိုက်ဆံတွေဟာ လက်တွေ့မှာ ဘယ်လိုမှ လုံလောက်မှု မရှိဘူးလို့ ညည်းကြပြန်ပါတယ်။

.

ပြသနာတွေထဲမှာ ကျူရှင်ခ အရမ်းမြင့်နေတာတွေ၊ ကျောင်းတွေမှာ အနိုင်ကျင့်ခံရမယ့် ပြသနာတွေအပြင်၊ ကလေးတွေကြောင့်ဖြစ်လာမယ့် လူမှုရေးပြသနာတွေကိုပါ သူတို့က ထည့်ပြီး စဉ်းစားနေကြပြန်ပါတယ်။

.