.
၂၀၂၆ ခုနှစ်၊ မေလ ၁၂ ရက်
.
ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့တွင်
ယမန်နေ့ မေလ ၁၁ ရက်က လမ်းလျှောက် လာသူ ၂ ဦးထံက စိတ်ကြွရူးသွပ်ဆေးပြား ၁၀၀၀၀ ပြားအား
ဖမ်းဆီးရမိခဲ့ကြောင်း သိရသည်။
.
အောင်ပန်းနယ်မြေရဲစခန်းမှ ရဲတပ်ဖွဲ့ဝင်များ ပါဝင်သော
ပူးပေါင်းအဖွဲ့သည် ယမန်နေ့ မေလ ၁၁ ရက်က ကင်းလှည့်ဆောင်ရွက်စဉ် အောင်ပန်းမြို့၊ လှည်းရိုးရပ်ကွက်၊
နယ်မြေ (၁)၊ အောင်ပန်း-ပင်းတယ ကားလမ်း ဘေး အရောက်တွင် မသင်္ကာဖွယ် လမ်းလျှောက်လာသူ
၂ ဦးအား ရပ်တန့်စစ်ဆေးရာ သီပေါမြို့နယ်၊ နမ့်လန် ကျေးရွာနေ စိုင်းပန်ချိန် နှင့် နန်းရွှေယိင်း
ဆိုသူတို့ ဖြစ်ကြောင်း သိရပြီး နန်းရွှေယိင်း လွယ်ထားသည့် ချည် လွယ်အိတ်အတွင်းမှ အပြာရောင်ပလတ်စတစ်
ကပ်ခွာအိတ်များဖြင့် ထည့်လျက် WY စာတမ်းပါ ပန်းရောင် စိတ်ကြွရူးသွပ်ဆေးပြား
၂၀၀ ပြားစီပါ အထုပ် ၁၀ ထုပ်စည်း ၅ စည်း၊ စုစုပေါင်း ၁၀၀၀၀ အလေးချိန် ၉၀၀ ဂရမ် ဒေသကာလတန်ဖိုး
သိန်း ၃၀ အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။
.
အဆိုပါ စိတ်ကြွရူးသွပ်ဆေးပြားများ ဖမ်းဆီးရမိမှုနှင့်
ပတ်သက်၍ စိုင်းပန်ချိန်နှင့် နန်းရွှေယိင်း တို့ ၂ ဦးအား အောင်ပန်းနယ်မြေရဲစခန်းတွင်
မူးယစ်ဆေးဝါးနှင့် စိတ်ကိုပြောင်းလဲစေနိုင်သော ဆေးဝါးများဆိုင်ရာဥပဒေ ဖြင့် အမှုဖွင့်အရေးယူ
ဆောင်ရွက်လျက်ရှိကြောင်း သိရသည်။
.
No comments:
Post a Comment