သမိုင်းတစ်လျောက် အများပြားဆုံး အမွေဆက်ခံခွန် ကို အောင်မြင်စွာ ပေးချေနိုင်ခဲ့တဲ့ ဆမ်ဆောင်းမိသားစု

 

တောင်ကိုရီးယားနိုင်ငံရဲ့ အကြီးမားဆုံး စီးပွားရေး လုပ်ငန်းစုတစ်စု ဖြစ်တဲ့ Samsung ဟာ နိုင်ငံကို ပေးချေရမယ့် အမွေဆက်ခံခွန် ဒေါ်လာ ၈ ဘီလီယံကျော် (ဝမ် ၁၂ ထရီလီယံ) ကို အောင်မြင်စွာ ပေးချေပြီးစီးသွားပြီ ဖြစ်ပါတယ်။

.

အမွေတွေ အများကြီး ရခဲ့ပေမယ့်လည်း အဲဒီ အမွေတွေအတွက် ပေးချေရမယ့်အခွန်တွေက ဆမ်ဆောင်းမိသားစုကို ဖိအား ဖြစ်စေခဲ့တာပါ။ ၂၀၂၀ ခုနှစ်၊ အောက်တိုဘာလမှာ ကွယ်လွန်သွားခဲ့တဲ့ ဥက္ကဌ လီကွန်ဟီး  ချန်ထားခဲ့တဲ့ အမွေတွေက ဝမ် ၂၆ ထရီလီယံလောက် ရှိပြီး ရှယ်ယာတွေ၊ အိမ်ယာတွေ၊ အနုပညာလက်ရာတွေ ပါဝင်ပါတယ်။

.

ကိုရီးယားနိုင်ငံရဲ့ အမွေဆက်ခံခွန်က တစ်ကမ္ဘာလုံးမှာ အမြင့်ဆုံးဖြစ်ပြီး ကိုယ်က တစ်သိန်းလောက် အမွေ ရရင် အစိုးရကို ၄၀၀၀၀ ကျော်လောက် ခွဲပေးရတဲ့ အနေအထားပါ။ ဆမ်ဆောင်းလို အရမ်း ချမ်းသာပါတယ်ဆိုတဲ့ မိသားစုကြီးတောင် ဒီအခွန်တွေကို ၅ နှစ်ကြာ အရစ်ကျ ပေးဆောင်ခဲ့ရပြီး ဒီနှစ်မှာမှ အပြီးသတ် ပေးချေနိုင်ခဲ့တာ ဖြစ်ပါတယ်။

.

ဆမ်ဆောင်းရဲ့ လက်ရှိဥက္ကဌ လီဂျေယောင်းနဲ့ သူ့ရဲ့မိခင် ဟွန်ရာဟီ၊ ညီမတွေဖြစ်ကြတဲ့ လီဘိုဂျင်း၊ လီဆိုးဟွန် တို့ဟာ ဒီအခွန်တွေကို ပြီးခဲ့တဲ့ ၅ နှစ်အတွင်း အကြိမ်ကြိမ် ပေးသွင်းခဲ့ကြရတာပါ။ ဒီပမာဏက ၂၀၂၄ ခုနှစ်အတွင်း တောင်ကိုရီးယား တစ်နိုင်ငံလုံးကနေ ရတဲ့ အမွေဆက်ခံခွန် ပမာဏထက်တောင် ပို များနေခဲ့ပါသေးတယ်။

.

လက်ရှိမှာ လျှပ်စစ်ပစ္စည်း၊ အကြီးစားစက်မှုလုပ်ငန်း၊ ဆောက်လုပ်ရေးနဲ့ ဘဏ်လုပ်ငန်းတွေ လုပ်ကိုင်နေတဲ့ ဆမ်ဆောင်းအနေနဲ့ ပေးစရာရှိတဲ့ အမွေခွန်တွေကို အကျေချေနိုင်ခဲ့ပြီဖြစ်တဲ့အကြောင်း မိသားစုဝင် တစ်ဦးက အတည်ပြုပေးသွားခဲ့ပါတယ်။

.

ဆမ်ဆောင်းမိသားစုအတွက်တော့ အမွေခွန်တွေကို အကျေပေးချေနိုင်ခြင်းက အားသာချက်တစ်ရပ် ဖြစ်လာခဲ့ပြီး Samsung လုပ်ငန်းစုကို ဆက်လက်ထိန်းချုပ်ဖို့ အင်အားရှိကြောင်း ပြသနိုင်ခဲ့တာပါ။

.

လီကွန်ဟီးရဲ့ အမွေအစိတ်အပိုင်းဖြစ်တဲ့ ပီကာဆိုနဲ့ ဒါလီ တို့ရဲ့ တန်ဖိုးကြီး ပန်းချီကားတွေကိုလည်း ကိုရီးယား အမျိုးသားပြတိုက်နဲ့ ယဉ်ကျေးမှု အဖွဲ့အစည်းတွေဆီကို ဆမ်ဆောင်းမိသားစုက လှူဒါန်းခဲ့ပါသေးတယ်။

.

ဘလွန်းဘာ့ရဲ့ ဖော်ပြမှုအရတော့ ဆမ်ဆောင်းမိသားစုရဲ့ စုစုပေါင်း ပိုင်ဆိုင်မှု တန်ဖိုးက ဒေါ်လာ ၄၅ ဘီလီယံကျော် ရှိနေပြီး မိသားစု ကြွယ်ဝမှုက ပြီးခဲ့တဲ့ တစ်နှစ်အတွင်း နှစ်ဆကျော် တိုးမြင့်လာခဲ့တာပါ။

.

Source – BBC

.

#KBZTai #Shan #News