ကလောမြို့နယ်တွင် ဆိုင်ကယ်ခိုးယူသူ ၃ ဦး ဖမ်းမိ

.

၂၀၂၆ ခုနှစ်၊ ဇွန်လ ၂၉ ရက်

.

ရှမ်းပြည်နယ်တောင်ပိုင်း၊ ကလောမြို့နယ်၊ အင်းပြင်ကျေးရွာတွင် ယမန်နေ့ ဇွန်လ ၂၈ ရက်၊ ညနေပိုင်းက ဆိုင်ကယ်ခိုးယူသူ ၃ ဦးကို သက်သေခံဆိုင်ကယ်နှင့်အတူ ဖမ်းဆီးရမိခဲ့ကြောင်း သိရသည်။

.

.

ကလောမြို့နယ်၊ အင်းပြင်ကျေးရွာနေ အမျိုးသားတစ်ဦးသည် ယမန်နေ့ ဇွန်လ ၂၈ ရက်၊ ညနေ ၆ နာရီခန့်က ၎င်းနေအိမ် အောက်ထပ်တွင် ရပ်ထားသည့် TVS.APACHE-180 အမျိုးအစား မော်တော်ဆိုင်ကယ် ခိုးယူခံရပြီး ကလောမြို့မရဲစခန်းတွင် အမှုဖွင့်တိုင်တန်းခဲ့ခြင်းဖြစ်ကြောင်း သိရသည်။

.

ဆိုင်ကယ်ခိုးယူခံရမှုနှင့် ပတ်သက်၍ ကလောမြို့မရဲစခန်းမှ ရာဇသတ်ကြီးပုဒ်မ ၃၈၀ ဖြင့် အမှုဖွင့်လှစ်ပြီး စုံစမ်းဖော်ထုတ်ရှာဖွေခဲ့ရာ ခိုးယူသူ စိုးပိုင် (ခ) အလီ၊ ဆက်နိုင်ဝင်း နှင့် ဟိန်း​ဇော်ထွန်း တို့ ၃ ဦးအား သက်သေခံ ဆိုင်ကယ်နှင့်အတူ ပြန်လည်ဖမ်းဆီးရမိခဲ့ခြင်းဖြစ်ကြောင်း သိရသည်။

.