.
၂၀၂၆ ခုနှစ်၊ ဇွန်လ ၂၂ ရက်
.
မနေ့ညက ကစားခဲ့တဲ့ ကမ္ဘာ့ဖလားပွဲစဉ်မှာ
ဥရုဂွေးအသင်းကို သရေကစားပြီးတဲ့နောက် အုပ်စုပွဲစဉ် ၂ ပွဲကို ၂ ပွဲလုံး မရှုံးတဲ့
မှတ်တမ်းနဲ့အတူ ကိပ်ဗာဒီ တို့ သမိုင်းတွင်သွားခဲ့ပါပြီ။ ဒါက
နိုင်ငံသမိုင်းတစ်လျောက် ပထမဆုံး မှတ်တမ်းပဲဖြစ်ပြီး စပိန်၊
ဥရုဂွေးလိုအသင်းတွေဆီကနေ အမှတ်ယူနိုင်ခဲ့တာက အံ့အားသင့်စရာတစ်ခုပါ။
.
ဒီနှစ်မှာမှ ကမ္ဘာ့ဖလားပြိုင်ပွဲကို
ပထမဆုံးအကြိမ် ဝင်ရောက်ယှဉ်ပြိုင်ခွင့်ရခဲ့တဲ့ ကိပ်ဗာဒီက ကမ္ဘာ့ဖလား ဝင်ရောက်ဖူးတဲ့
နိုင်ငံတွေထဲမှာ လူဦးရေအနည်းဆုံး နိုင်ငံတစ်နိုင်ငံအဖြစ်ရှိနေပြီး နိုင်ငံလူဦးရေက
၅ သိန်း ကျော်ပဲရှိတာပါ။
.
စပိန်နဲ့ပွဲမှာ ခံစစ်အစွမ်းပြပြီး ဂိုးသမား
ဗိုဇင်ဟာ ရဲ့ လက်စွမ်းနဲ့အတူ အမှတ်ယူသွားခဲ့တဲ့ ကိပ်ဗာဒီ က ဥရုဂွေးနဲ့ ပွဲမှာတော့
တိုက်စစ်အစွမ်းပြပြီး အမှတ်ယူခဲ့ပြန်တာပါ။ ဒါပေမဲ့လည်း ဂိုးသမား ဗိုဇင်ဟာ က
လုံးဝကို အရေးပါတဲ့နေရာမှာ ရှိနေခဲ့ပြီး ပွဲချိန်အတွင်း သူ့ရဲ့ကာကွယ်မှုတွေက
မထင်မှတ်ထားလောက်အောင် ကောင်းလွန်းခဲ့ တာပါ။
.
ဒါ့အပြင် စပိန်နဲ့ပွဲမှာ တစ်ပွဲလုံးမှာမှ
ပြစ်ဒဏ်ဘော တစ်ကြိမ်သာ ကျူးလွန်ခဲ့တာမို့ ၁၉၆၆ နောက်ပိုင်း
ကမ္ဘာ့ဖလားမှတ်တမ်းတွေအရ ပြစ်ဒဏ်ဘောအနည်းဆုံး စံချိန်တစ်ခုကိုလည်း
ရသွားခဲ့ပါသေးတယ်။
.
ပြောင်းရွှေ့ကြေး ပေါင် ၅၀၀၀၀
ဝန်းကျင်လောက်ပဲရှိတဲ့ အသက် ၄၀ အရွယ် ဂိုးသမားက ၂၀၂၆ ကမ္ဘာ့ဖလားမှာ မှော်ထနေပြီး
စပိန်တိုက်စစ်နဲ့ ဥရုဂွေးတိုက်စစ်ကို ဘာမှလုပ်မရပဲ ဖြစ်သွားစေခဲ့သူပါ။
.
လက်ရှိအချိန်မှာတော့ ကိပ်ဗာဒီက
နောက်တစ်ဆင့်တက်ဖို့ကိုတောင် မျှော်လင့်လို့ရတဲ့ အနေအထား ဖြစ်သွားပြီး လာမယ့်
ဆော်ဒီနဲ့ပွဲမှာသာ နိုင်သွားခဲ့မယ်ဆိုရင် ၃၂ သင်းအဆင့်ကို တက်ရောက်သွားနိုင်ဖို့
မျှော်လင့်ချက် ရှိသွားခဲ့ပြီဖြစ်ပါတယ်။
.
No comments:
Post a Comment