အစ္စရေး-လက်ဘနွန် အပစ်ရပ်သဘောတူညီချက်တွေကို ပယ်ချလိုက်တဲ့ ဟစ်ဇ်ဘိုလာနဲ့ နောက်ဆုံးရ လက်ဘနွန်တိုက်ပွဲသတင်းများ

.

၂၀၂၆ ခုနှစ်၊ ဇွန်လ ၅ ရက်

.

လက်ဘနွန်နိုင်ငံထဲက လက်နက်ကိုင်အဖွဲ့ဖြစ်တဲ့ ဟစ်ဇ်ဘိုလာ တွေကတော့ အစ္စရေးနဲ့လက်ဘနွန် နှစ်နိုင်ငံ အပစ်ရပ်သဘောတူညီချက်ကို ပယ်ချလိုက်ပြီး လက်ဘနွန်နိုင်ငံအတွက် အရှက်ရစရာဖြစ်တယ်လို့ ပြောဆို လိုက်ပါတယ်။

.

.

ဟစ်ဇ်ဘိုလာခေါင်းဆောင် ကက်ဆန် က ထုတ်ပြန်ချက်တစ်ခု ထုတ်ခဲ့ပြီး ဒီထုတ်ပြန်ချက်က လက်ဘနွန် နိုင်ငံအတွင်းမှာ “စမ်းသပ်လုံခြုံရေးဇုန်” တွေ တည်ထောင်ပြီး ဒီနေရာတွေမှာ ဟစ်ဇ်ဘိုလာ တွေ လှုပ်ရှားခွင့် မရှိကြောင်း ကြောညာခဲ့ပြီးတဲ့နောက် ထွက်ပေါ်လာခဲ့တာလည်း ဖြစ်ပါတယ်။

.

အစ္စရေးနဲ့ လက်ဘနွန်ကြား အပစ်ရပ်ဆွေးနွေးပွဲမှာ ဟစ်ဇ်ဘိုလာ တွေကို ထည့်သွင်းခဲ့ခြင်း မရှိတာကြောင့် လည်း ကက်ဆန် က ဒေါသထွက်နေခဲ့ပြီး လက်ရှိ အပစ်ရပ်စာချုပ်ဟာ အစ္စရေးကို လက်နက်ချအရှုံးပေး လိုက်တာနဲ့ အတူတူပဲ ဖြစ်တဲ့အကြောင်း ပြောဆိုလိုက်တာပါ။

.

အစ္စရေးတပ်ဖွဲ့တွေ ဆုတ်ခွာသွားပြီးတဲ့နောက် လက်ဘနွန်စစ်တပ်က နိုင်ငံတောင်ပိုင်းမှာရှိတဲ့ အဓိက လမ်းမကြီးတစ်ခုကို ပြန်လည်ဖွင့်လှစ်လိုက်ပါတယ်။ ဒီလမ်းမကြီးတစ်ဝိုက်မှာ မပေါက်ကွဲသေးတဲ့ လက်နက် ပစ္စည်းတွေရှိတာကြောင့် အရပ်သားတွေကို သွားလာမှုမပြုကြသေးဖို့ သတိပေးမှုတွေလည်း ပြုလုပ်ထား ပါတယ်။

.

လက်ရှိမှာတော့ အင်ဂျင်နီယာတပ်တွေက ရှင်းလင်းရေးလုပ်ငန်းတွေ ဆောင်ရွက်နေဆဲဖြစ်ပြီး လုပ်ငန်း ဆောင်ရွက်မှု မပြီးခင်အချိန်အထိ အရပ်သားတွေ မသွားလာကြဖို့ကိုလည်း စစ်တပ်က ထပ်လောင်းအသိပေး ထားပါတယ်။

.

အပစ်ရပ်စာချုပ်ကို ဟစ်ဇ်ဘိုလာက သဘောမတူတာကြောင့် လက်ဘနွန်နိုင်ငံအတွင်းမှာ တိုက်ခိုက်မှုတွေ ပြန်လည်စတင်စ ပြုနေပြီး လက်ဘနွန်တောင်ပိုင်းမှာ အစ္စရေးရဲ့လေကြောင်းတိုက်ခိုက်မှုကြောင့် ၄ ဦး ဒဏ်ရာရရှိသွားခဲ့ပါတယ်။ ဆီးရီးယားနိုင်ငံသား ၂ ဦးနဲ့ ဘင်္ဂလားဒေ့ရှ်နိုင်ငံသား ၂ ဦး ဒဏ်ရာရသွားခဲ့တာ ဖြစ်ပြီး အယ်လ်မာရှယ်ဒေသမှာ လေကြောင်းတိုက်ခိုက်မှု ပြုလုပ်ခဲ့တာပါ။

.

အပစ်ရပ်စာချုပ် သဘောတူညီမှုဟာ ဟစ်ဇ်ဘိုလာကြောင့် တစ်ရက်နဲ့တင် ပျက်စီးသွားဖို့ရှိနေပြီး တိုက်ခိုက်မှု တွေက ပြန်လည်စတင်တော့မယ့် ပုံလို့ နိုင်ငံရေးသုံးသပ်သူတွေကမှတ်ချက်ပေးနေကြပါတယ်။

.

အစ္စရေးရဲ့တိုက်ခိုက်မှုတွေ ဆက်လက်ဖြစ်ပွားနေချိန် လက်ဘနွန်မှာ သေဆုံးသူ ၃၅၂၆ ဦးအထိ ရှိနေတယ် ဆိုတဲ့အကြောင်း ကျန်းမာရေးဝန်ကြီးဌာနက ထုတ်ပြန်ပါတယ်။

.

မတ်လ ၂ ရက်နေ့က စတင်ပြီး အစ္စရေးရဲ့တိုက်ခိုက်မှုတွေကြောင့် လက်ဘနွန်နိုင်ငံတစ်ဝှမ်းမှာ သေဆုံးသူ ၃၀၀၀ ကျော် ရှိခဲ့သလို ဒဏ်ရာရရှိသူပေါင်း ၁၀၀၀၀ ကျော်ခဲ့တယ်လို့ ဝန်ကြီးဌာနရဲ့ထုတ်ပြန်ချက်ထဲမှာ ပါရှိပါတယ်။

.

Source – CNN

.