ဘယ်လ်ဂျီယမ်နိုင်ငံ၊ အန့်တွပ်မြို့က လူနေတိုက်ခန်းတစ်ခုမှာ မီးလောင်မှုဖြစ်ပြီး အနည်းဆုံး ၆ ဦး သေဆုံး

.

၂၀၂၆ ခုနှစ်၊ ဇူလိုင်လ ၁ ရက်

.

ဘယ်လ်ဂျီယမ်နိုင်ငံ၊ အန့်တွပ်မြို့က ၁၀ ထပ် အမြင့်ရှိတဲ့ လူနေတိုက်ခန်းတစ်ခုမှာ ဒီကနေ့ ဇူလိုင်လ ၁ ရက်၊ မနက်ပိုင်းက မီးလောင်မှုဖြစ်ပွားလို့ အနည်းဆုံး လူ ၆ ဦး သေဆုံးခဲ့တယ်လို့ ဘယ်လ်ဂျီယမ် ရဲတပ်ဖွဲ့က ဒေသတွင်း မီဒီယာများကို ပြောဆို ထားပါတယ်။

.

.

“အရင်ဆုံး လျှပ်စစ်မီး ပြတ်သွားတယ်။ နောက် ၃ မိနစ်လောက်ကြာတော့ မီးဘေးသတိပေးသံတွေ ထွက်ပေါ် လာပြီးတော့ တစ်ဆက်တည်းလိုပဲ အဆောက်အအုံထဲက လူသွားစင်္ကြန်တစ်တစ်ခုလုံး မီးခိုးတွေ ဖုံးလွှမ်း သွားပါတယ်” လို့ အဲဒီအဆောက်အအုံရဲ့ ၁၀ ထပ်မှာ နေထိုင်သူတစ်ဦးက ဘယ်လ်ဂျီယမ်သတင်းဌာနကို ပြောဆိုထားပါတယ်။

.

“ကျွန်တော်တို့ ကိုယ့်ဟာကိုယ် ဆင်းဖို့ ကြိုးစားခဲ့သေးတယ်။ ဒါပေမဲ့ အဆောက်အဦထဲမှာပဲ ပိတ်မိနေပြီး ဝရန်တာတွေမှာ ထွက်စောင့်နေခဲ့ရတယ်။ ၁၀ မိနစ်လောက်ကြတော့ မီးသတ်တပ်ဖွဲ့ ရောက်လာပြီး ကျွန်တော်တို့ကို မီးသတ်လှေကားတွေနဲ့ လာကယ်ပေးပါတယ်” လို့ နောက်ထပ် လွတ်မြောက်လာသူ တစ်ဦးကလည်း ပြောဆိုထားပါတယ်။

.

အဲဒီအဆောက်အအုံထဲမှာ လူ ၂၀၀ ဝန်းကျင်လောက် ရှိမယ်လို့ ယုံကြည်ရပြီး သေဆုံးသူ ၆ ဦးရှိခဲ့ကာ ထိခိုက်ဒဏ်ရာရသူ အရေအတွက် မသိရသေးဘူးလို့ ရဲတပ်ဖွဲ့က ပြောဆိုထားပါတယ်။

.

မီးလောင်မှု ဖြစ်တဲ့နေရာကို ခရိုင်အသီးသီးက မီးသတ်ယာဉ်တွေ၊ လူနာတင်ယာဉ်တွေနဲ့ အရေးပေါ် ကယ်ဆယ်ရေးအဖွဲ့တွေ အများအပြား ရောက်ရှိလာခဲ့ကြပါတယ်။

.

အန့်တွပ်ရဲ့ မြို့တော်ဝန်ဟောင်းလည်းဖြစ်ခဲ့ဖူးတဲ့ ဘယ်လ်ဂျီယမ်ဝန်ကြီးချုပ် ဘတ်ဒီဝီဗာ က ထိခိုက်ခဲ့ရသူ တွေနဲ့ထပ်တူ စိတ်မကောင်းဖြစ်ရတယ်လို့ သူ့ရဲ့ X လူမှုကွန်ရက်မှာ ရေးသားထားပါတယ်။

.

ဘယ်လ်ဂျီယမ်နိုင်ငံအတွင်းမှာ ပြီးခဲ့တဲ့ ရက်သတ္တပတ်တွေအတွင်း ဘရပ်ဆဲလ်မြို့က ကုန်လှောင်ရုံတစ်ခု မီးလောင်မှု အပါအဝင် မီးလောင်မှုတွေ ဆက်တိုက်ဖြစ်ပွားခဲ့တယ်လို့ သိရပါတယ်။

.

Source – Reuters

.