.
၂၀၂၆ ခုနှစ်၊ ဇူလိုင်လ ၄ ရက်
.
ရှမ်းပြည်နယ်တောင်ပိုင်း၊ ကလောမြို့နယ်၊ ဟဲဟိုးမြို့တွင်
အသက် ၂၁ နှစ်အရွယ် မသန်စွမ်း လူငယ်တစ်ဦး ပျောက်ဆုံးနေပြီး ယနေ့အထိ အဆက်အသွယ် မရရှိသေးကြောင်း
သိရသည်။
.
ဟဲဟိုးမြို့၊ သီခေါင်အုပ်စု၊ တောင်ပတ်ရွာနေ အသက်
၂၁ နှစ်အရွယ် မသန်စွမ်းလူငယ် မောင်ဇော်မျိုးအောင် သည် ယမန်နေ့ ဇူလိုင်လ ၃ ရက်၊ နံနက်
၇ နာရီခန့်က ဟဲဟိုးမြို့မှ ကလောမြို့သို့ အလုပ်လုပ်ရန် သွားရောက်ခဲ့ပြီးနောက် နေအိမ်သို့
ပြန်လည် ရောက်ရှိ လာခြင်းမရှိဘဲ ပျောက်ဆုံးနေခြင်းဖြစ်ကြောင်း သိရသည်။
.
“ကလောကနေ ဟဲဟိုးကို ပြန်လာသလား၊ မျက်စေ့ပဲ လည်နေသလား
မသိဘူး။ ကလေးက စကားမပြော တတ်ဘူး၊ နားလည်း မကြားဘူး” ဟု မိသားစုဝင်များနှင့် နီးစပ်သူတစ်ဦးက
ပြောသည်။
.
အဆိုပါ လူငယ်အား တွေ့ရှိပါက ဖုန်းနံပါတ် ၀၉ ၂၆၉
၉၄၀ ၈၆၃ သို့ ဆက်သွယ်အကြောင်းကြားပေးရန် မိသားစုက မေတ္တာရပ်ခံထားသည်။
.
No comments:
Post a Comment