ပြင်သစ်နဲ့ အာဂျင်တီးနားတို့ အခြေအနေကောင်းနေတဲ့ ကမ္ဘာ့ဖလား ၁၆ သင်းအဆင့်

.

၂၀၂၆ ခုနှစ်၊ ဇူလိုင် ၄ ရက်

.

၂၀၂၆ ကမ္ဘာ့ဖလားပြိုင်ပွဲရဲ့ ၃၂ သင်းအဆင့် ပွဲစဉ်တွေ ပြီးဆုံးသွားခဲ့တဲ့နောက် ၁၆ သင်းအဆင့်မှာ ထိပ်တိုက်တွေ့မယ့် အသင်းတွေ ပေါ်ထွက်လာခဲ့ပါပြီ။

.

.

တွေ့ဆုံမှုတွေအရတော့ ကမ္ဘာ့ဖလားရဲ့လက်ရှိချန်ပီယံ အာဂျင်တီးနားနဲ့ ပြင်သစ်အသင်းတို့က ပွဲချောင် နေကြပြီး ပေါ်တူဂီ၊ အင်္ဂလန်နဲ့ ဘရာဇီးတို့က ခက်ခဲတဲ့ စမ်းသပ်မှုတွေနဲ့ ရင်ဆိုင်ရဖို့ရှိနေပါတယ်။

.

မက်ဆီ ဦးဆောင်တဲ့ အာဂျင်တီးနားက ၁၆ သင်းအဆင့်မှာ ဆာလက်ရဲ့ အီဂျစ်နဲ့ တွေ့ရမှာဖြစ်ပြီး အမ်ဘက်ပီရဲ့ ပြင်သစ်ကတော့ ပါရာဂွေးနဲ့ တွေ့ရမှာမို့ ကွာတားဖိုင်နယ်အဆင့်ဆီ လွယ်လွယ်လေး တက်လာနိုင်မယ့် အနေအထားပါ။

.

ကမ္ဘာ့ဖလား ပွဲစဉ်တစ်လျှောက်လုံး ရုန်းကန်နေရတဲ့ ရော်နယ်ဒိုရဲ့ ပေါ်တူဂီကတော့ ယာမယ်တို့ရဲ့ စပိန်နဲ့ ရင်ဆိုင်ရမှာမို့ အခက်ခဲဆုံး ပွဲစဉ်တစ်ပွဲ ဖြစ်လာမှာပါ။ ဒါ့အပြင် အင်္ဂလန်ကလည်း  ကမ္ဘာ့ဖလားအိမ်ရှင် အသင်းတွေထဲမှာ အကောင်းဆုံး ခြေစွမ်းပြနေတဲ့ မက္ကဆီကိုနဲ့ ရင်ဆိုင်ရမှာမို့ ပွဲကျပ်နေတယ်လို့ ပြောရမှာပါ။ အန်ဆယ်လော့တီကြီးရဲ့ ဘရာဇီးကတော့ ဟာလန်းတို့လူသိုက် ခြေစွမ်းပြနေတဲ့ နော်ဝေနဲ့ တွေ့ရမှာမို့ ထင်သလောက်တော့ လွယ်မယ့်ပုံ မပေါ်ပါဘူး။

.

၂၀၂၆ ကမ္ဘာ့ဖလားရဲ့အခြားသော အိမ်ရှင်တွေဖြစ်ကြတဲ့ အမေရိကန်က ဒီဘရိုင်းတို့ရဲ့ ဘယ်လ်ဂျီယံနဲ့ တွေ့ရဖို့ရှိနေပြီး ကနေဒါကတော့ အာဖရိက အင်အားကြီးအသင်း မော်ရိုကို နဲ့ ရင်ဆိုင်ရမှာဖြစ်ပါတယ်။

.

ဒီနေ့မနက်ပိုင်းမှာ ဂါနာကို နိုင်ပြီး နောက်တစ်ဆင့် တက်ခဲ့တဲ့ ကိုလံဘီယာကတော့ တိုက်စစ်အားကောင်း နေတဲ့ ဆွစ်ဇာလန်အသင်းနဲ့ ရင်ဆိုင်ရမှာဖြစ်ပါတယ်။

.

Source – 433

.