.
၂၀၂၆ ခုနှစ်၊ ဩဂုတ်လ ၂၉ ရက်
.
ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊
ဟိုပုံးမြို့၊ မြို့ဦးကွက်သစ်ရပ်ကွက်တွင် ယနေ့ ဩဂုတ်လ ၂၉ ရက်၊ နံနက်ပိုင်းက ဒဏ်ရာများနှင့်
သေဆုံးနေသည့် ပိုင်ရှင်မဲ့ အလောင်း တစ်လောင်း တွေ့ရှိခဲ့ရကြောင်း သိရသည်။
.
ဟိုပုံးမြို့၊ မြို့ဦးကွက်သစ်ရပ်ကွက်၊ နယ်မြေ
(၆) ရှိ စိတ်ပေါ့သွပ်နေသူ အမျိုးသမီးတစ်ဦး၏ နေအိမ် အောက်ထပ်၊ ဖော့ဖျာပေါ်တွင် အမည်မသိအမျိုးသားတစ်ဦးအား
ဦးခေါင်းနောက်စေ့တွင် အရှည် ၄ လက်မခန့် ပြတ်ရှလျက် ပက်လက်အနေအထားဖြင့် သေဆုံးနေသည်ကို
တွေ့ရှိခဲ့ရခြင်းဖြစ်ကြောင်း သိရသည်။
.
“မြို့ဦးကွက်သစ်နဲ့ အနောက်ရပ်ကွက်ကြားမှာပါ။ အိမ်အောက်မှာ
လူတစ်ယောက် ဒဏ်ရာနဲ့ သေဆုံးနေတာတွေ့လို့ ဆေးစာနဲ့ ဆေးရုံပို့ပြီး အမှုဖွင့်လှစ် ဆောင်ရွက်နေပါတယ်။
သေဆုံးသူ ဘယ်သူဘယ်ဝါဆိုတာ မသိသေးပါဘူး။ စုံစမ်းတုန်းပဲ ရှိပါသေးတယ်” ဟု ဟိုပုံးမြို့မရဲစခန်းမှ
တာဝန်ရှိသူတစ်ဦးက ပြောသည်။
.
သေဆုံးသူ အမျိုးသား၏ ရုပ်အလောင်းအား ဟိုပုံးမြို့နယ်
ပြည်သူ့ဆေးရုံသို့ ပို့ဆောင်ခဲ့ပြီး ၎င်း သေဆုံးမှုနှင့် ပတ်သက်၍ ဟိုပုံးနယ်မြေရဲစခန်းတွင်
ရာဇသတ်ကြီးပုဒ်မ ၃၀၂ ဖြင့် အမှုဖွင့်ကာ ကျူးလွန်သူကို ဖမ်းဆီး ရမိနိုင်ရေး ဆောင်ရွက်လျက်ရှိကြောင်း
သိရသည်။
.
No comments:
Post a Comment