ကလောင်သုမ် စင်တာ မီး ထပ်မံလောင်ကျွမ်း၊ အဆိပ်အတောက် ဖြစ်နိုင်သည့် မီးခိုးများကြောင့် စိုးရိမ်မှု မြင့်တက်

ထိုင်းနိုင်ငံ၊ ဘန်ကောက်မြို့ရှိ ကလောင်သုမ် စင်တာ မှာ မီး ထပ်လောင်ကျွမ်းပြီး မီးခိုးအမည်း၊ မီးခိုး မီးခိုးရောင်နဲ့ နီညိုရောင် မီးခိုး အများအပြား ထွက်ပေါ်လာတာကြောင့် အာဏာပိုင်တွေက အခြေအနေကို အနီးကပ် စောင့်ကြည့်နေတယ်လို့ Khaosod သတင်းမှာ ဖော်ပြထားပါတယ်။

.

မီးခိုးတွေမှာ ဓာတုပစ္စည်းတွေ လောင်ကျွမ်းရာက ထွက်လာတဲ့ အဆိပ်အတောက်ဓာတ်ငွေ့တွေ ပါဝင်နိုင်တာကြောင့် ရှူရှိုက်မိပါက အန္တရာယ် ရှိနိုင်တယ်လို့ ကယ်ဆယ်ရေးအဖွဲ့တွေက သတိပေးထားပါတယ်။

.

ဒီကနေ့ မွန်းလွဲ ၂ နာရီခွဲလောက်မှာ ဘန်ကောက်မြို့ Pom Prap Sattru Phai ခရိုင်၊ Worachak လမ်းပေါ်က ဈေးဝယ်စင်တာထဲကနေ မီးခိုးတွေ အများအပြား အဆက်မပြတ် ထွက်နေခဲ့တာပါ။

.

အခင်းဖြစ်နေရာကို ရောက်နေတဲ့ သတင်းအဖွဲ့ရဲ့ ပြောကြားချက်အရ အဆောက်အအုံအပေါ်ထပ်မှာ မီးတောက်တွေ မြင်တွေ့ရပြီး အဆောက်အအုံအလယ်ပိုင်းနဲ့ နောက်ဘက်ခြမ်းတွေကနေလည်း မီးလောင်ကျွမ်းနေတာ တွေ့ရပါတယ်။ ဒါကြောင့် အဆောက်အအုံအတွင်းမှာ မီးငြိမ်းမသွားသေး တဲ့နေရာတွေ ဒါမှမဟုတ် မီးပြန်လောင်နေတဲ့နေရာတွေ ရှိနေနိုင်တယ်လို့ ယူဆထားပါတယ်။

.

ကယ်ဆယ်ရေး အဖွဲ့တွေကတော့ အခုလို ပုံမှန်မဟုတ်တဲ့ မီးခိုးတွေ ထွက်လာတာဟာ ဓာတုပစ္စည်းတွေ မီးလောင်နေတာနဲ့ ဆက်စပ်နိုင်တယ်လို့ ပြောပါတယ်။ မီးခိုးထဲမှာ အဆိပ်အတောက်ဖြစ်စေနိုင်တဲ့ ဓာတ်ငွေ့တွေ ဒါမှမဟုတ် အန္တရာယ်ရှိတဲ့ ဓာတုပစ္စည်းတွေ ပါဝင်နိုင်တာကြောင့် မီးခိုးကို ရှူမိရင် ကျန်းမာရေးအန္တရာယ် ဖြစ်နိုင်တယ်လို့လည်း သတိပေးထားပါတယ်။

.

အာဏာပိုင်တွေကလည်း အခင်းဖြစ်နေရာမှာ ဆက်ရှိနေပြီး အခြေအနေကို စောင့်ကြည့်ထိန်းချုပ်နိုင်ဖို့ ကြိုးစားနေကြသလို  အခုလို မီးခိုးတွေ ပြန်လည်ထွက်ပေါ်လာရတဲ့ အကြောင်းရင်းနဲ့ ဘယ်လိုပစ္စည်းတွေ မီးလောင်နေတာလဲဆိုတာကိုတော့ လက်ရှိအချိန်အထိ အတိအကျ မသိရသေးပါဘူးလို့ ပြောပါတယ်။ သက်ဆိုင်ရာအာဏာပိုင်တွေက ဆက်လက်စစ်ဆေးပြီးမှသာ အကြောင်းရင်းကို အတည်ပြုနိုင်မယ်လို့ သိရပါတယ်။

.

အီလက်ထရွန်နစ် ပစ္စည်းတွေ၊ ကားအသံစနစ်နဲ့ ဆက်စပ်ပစ္စည်းတွေ၊ ကစားစရာတွေအပြင် အိမ်သုံး လျှပ်စစ်ပစ္စည်းတွေ ရောင်းချတဲ့ နာမည်ကြီး ခလောင်သုမ် Center မှာ မနေ့သောကြာနေ့ညက မီးလောင်မှု ဖြစ်ပွားခဲ့ကာ နာရီပေါင်းများစွာ မီးလောင်ပြီးနောက် အဆောက်အအုံ တစ်စိတ်တစ်ပိုင်း ပြိုကျခဲ့ပါတယ်။

.

Ref – khaosod